Almatyda jylý maýsymy bastaldy. Qaladaǵy turǵyn úı qorynyń 40 paıyzy búginniń ózinde jylýmen qamtyldy.
Jylý taratý jumystarynyń táýlik boıyna júrgizilýine qaramastan, birqatar másele de týyndap otyr. Iaǵnı, birqatar ýchaskelerde ystyq sýdy bóletin ınjenerlik jeliler daıyn emes kórinedi. Eger úıge jylý jetpeı jatsa, birden páter ıeleri kooperatıvine habarlasý kerek deıdi jaýaptylar. Desek te, Almatydaǵy áleýmettik nysandarǵa jylý 100 paıyz jetkizilgen.
«Jylý berý júıesine qatysty barlyq brıgada jumyldyrylýda. Sondyqtan aldaǵy birneshe kún ishinde turǵyndardyń bári jyly jerde otyratyn bolady. Eger qandaı da bir qıyndyq týyndasa, eń aldymen, páter ıeleri kooperatıvine ótinish berý kerek. Úıge jylý ne úshin jetpegenin sol jerden anyqtaý qajet», – dedi Almaty qalasy TÚKSH jylý-energo keshenderiniń resmı ókili Ian Gırın.
