QR Prezıdenti Nursultan Nazarbaevtyń hattamalyq tapsyrmasyn oryndaý sheńberinde Túrkistan qalasyna alǵashqy bolyp Pavlodar oblysynyń sáýlet jáne qala qurylysy basqarmasynyń basshysy Nurlan Qaqambetov pen Batys Qazaqstan oblysynyń qurylys basqarmasynyń basshysy Altynbek Qaısaǵalıev keldi.

Qala qonaqtary oblys ákimi Janseıit Túımebaevtyń qabyldaýynda bolyp, «Túrkistan oblysynyń tarıhı-kıeli oryndarynyń ortalyǵy» ǵımaratynyń qurylysy boıynsha májiliske qatysty.

«Elbasy tapsyrmasyna sáıkes, Túrkistan qalasynda salynatyn nysandardy talqylap, zerdeleýge eń alǵashqy bolyp Pavlodar men Batys Qazaqstan oblysynyń ókilderi kelip otyr. Ol úshin Sizderge jáne Pavlodar oblysynyń ákimi Bolat Baqaýov pen Batys Qazaqstan oblysynyń ákimi Altaı Kólginovke alǵysymdy bildiremin. Aldymen alańdaǵy tarıhı eskertkishterdiń ornalasý tártibi rettelý kerek. Týrıserge jáne qala turǵyndary úshin yńǵaıly bolý úshin saýda oryndary jumys jasap, otbasylyq serýendeýge jan-jaqty jaǵdaı jasalýy tıis. Ortalyqta boı kóteretin keshenderdiń dálme-dál kóshirmesiniń bıiktigi shamamen 3-4 metr bolady. Qoıylǵan tapsyrmany tıanaqty oryndaý úshin úshjaqty kelisimge kelip, jol kartasyn ázirleımiz», - dedi Janseıit Qanseıituly.

Jıyn barysynda óńir basshysy qurylys jumystary bıyl bastalý kerektigin atap ótti. Óz kezeginde qala qonaqtary jańa oblys ortalyǵynyń kórkeıýine barynsha qoldaý kórsetýge daıyn ekenderin jetkizdi.