Birikken Arab Ámirlikteriniń Dýbaı qalasynda «Jumeirah Sound» İİ halyqaralyq festıvál baıqaýy ótti.

Barlyq óner túri boıynsha jasóspirimder arasynda ótken baıqaýda TMD elderiniń talantty balalary men jastary bas qosty.

Ónerpazdardyń jeke tulǵalyq, shyǵarmashylyq damýyn maqsat etken saıysqa Túpqaraǵan aýdanynyń órenderi de qatysý úshin 2 qarasha kúni jolǵa shyqqan.

Festıváldiń ótýine muryndyq bolǵan «Chamber Academy of music» Akademıasy. Ol Astana qalasyndaǵy Qazaq Ulttyq óner akademıasynyń seriktestigi.

Mańǵystaýdan saıysqa 8 ónerpaz ben olardyń jetekshileri attanǵan bolatyn. Olar barlyq atalym boıynsha júldelerdi qanjyǵalaryna baılady.

Atap aıtsaq, «Sazsyrnaı» atalymy boıynsha Ozǵanbaeva Qarlyǵash 1 oryn, «Beıneleý óneri» atalymynda Tilekbaeva Jaına 1 oryn, Dombyradan ujymdyq aspaptyq oryndaýdan «Aqjelken» ansambli Gran-Prı ıelengen. Jeke dombyra oryndaýdan Súndetqalıev Jasulan Gran-Prı, Chervonov Temirlan 1 oryn, Álqýatova Mádına, Moldaǵalı Bekaıdar, Quljan Sabına, Qasymqyzy Raıhan 2 oryn enshiledi.

Baıqaýǵa elimizden Mańǵystaý oblysymen qatar, Petropavl, Qyzylorda, Astana qalalyrynyń ónerpazdary da qatysqan.