Jalpy keıingi jas urpaqtyń  yqylasy men qulshynysyn  arttyrý úshin qoldan kelgenniń bárin jasaıtyn sheshen prezıdentiniń keıbir isterine rızashylyǵyńdy bildiresiń.

Osy aptanyń basynda  el astanasy Groznyıda el súısinerlik taǵy bir oqıǵa oryn aldy. Keýdesin jerden kóterip (otjımanıe) 4105 ret  jattyǵý jasaǵan 4 jasar balaǵa Sheshenstan prezıdenti Ramzan Qadyrov aq tústi Mercedes avtokóligin syılady. Atalǵan kólik Ahmad qajy Qadyrov atyndaǵy qordyń qarjysyna satyp alyndy.

–Sen bárine de laıyqtysyń. Myqtysyń. Ákeń seni árkez osy kólikpen alyp júrsin,–dedi prezıdent Ramzan Qadyrov.  

Prezıdent Ramzan Qadyrovtyń qolynan kóliktiń kiltin alǵan tórt jasar bala mashınanyń aldyńǵy kapotyna shyǵyp, birneshe jattyǵý jasady. Jurtshylyq «sheshenniń Shvarseneggeri» atanyp ketken kishkentaı bala aldaǵy ýaqytta óziniń rekordyn jańartatynyna  sendirdi.

Eskerte keteıik, 12 qarasha kúni Sheshenstannyń aımaqtyq Sport mınıstrligi elde rekordtyq nátıje oryn alǵanyn  prezıdent Ramzan Qadyrovqa málim etken bolatyn. Naqty aıtar bolsaq, tórt jasar Rahım Kýrıev qolyn tirep, 2 saǵat 26 mınýt boıy keýdesin jerden kóterip 4105 ret jattyǵý jasaǵan. Muny estigen sheshen basshysy Qadyrov balany birden ózine  shaqyryp alyp, yrza bolǵandyqtan tún ishinde oǵan Mercedes syılap jiberdi.

Jalpy kishkentaı balalar arasynda mundaı oqıǵa birinshi ret oryn alyp otyrǵan joq. 2015 jyly Elıstada bes jasar Batý Boktaev 4050 ret jattyǵý jasaǵany belgili. Odan keıingi rekord Kıevte oryn aldy. Jeti jastaǵy Andreı Kostash 4000 ret qolyn jerge tirep, keýdesin kóterip jattyǵý  jasaǵan. Endi bul nátıjeni sheshen balasy  Rahım Kýrıev jańartyp otyr.