Bul jóninde qalalyq ákimdikte ótken brıfıńte málim boldy.

Infobus jáne busreport dıspecherlik baǵdarlamasy Aqtaý qalasynda úsh jyldan beri qyzmet etip keledi. Onda qala ishinde qatynaıtyn avtobýstardyń júrý kestesi men baǵyttary engizilgen. Tipti qazirgi tańda qala syrtyndaǵy eldi mekenderge qatynaıtyn avtobýstar kestesi de qosylǵan. Mysaly, №103 «Aqtaý-Qyzyltóbe», №104 «Aqtaý-Atameken», №105 «Aqtaý-Basqudyq», №106 «Aqtaý-Baıandy» jáne «Aqtaý-Batyr», «Aqtaý-Qyzyltóbe-2», «Aqtaý-Áýejaı» arasynda qatynaıtyn kólikter.

Qalalyq jolaýshylar tasymaldaý bólimi men «KazInterSoft» JSHS birigýimen jasaqtalǵan mobıldi qosymsha turǵyndarǵa kez kelgen ýaqytta qoljetimdi.

Jolaýshylar baǵdarlamaǵa kirý arqyly barlyq qoǵamdyq kólik jaıly aqparatty tolyq kóre alady. Mobıldi qosymshany Rlay market jáne App Store arqyly uıaly telefonǵa júkteýge múmkindik bar. Meken-jaıdy jazbaı-aq avtobýstyń qaıda, qashan keletinin bilýge bolady.

Búginde Infobus jáne busreport dıspecherlik baǵdarlamasy Qazaqstannyń 11 qalasynda jumys isteıdi. Al Aqtaý qalasy boıynsha mobıldi qosymshany 30 myńǵa jýyq adam júktegen.