Aqtóbe sotynda Elena Rýtýshnaıa jaýapker, al qalalyq máslıhat depýtaty Iskander Nazarbaev talapker retinde qatysyp jatyr. Ákesi balany anasynan alyp, ózi tárbıelemek, dep habarlaıdy Aktobenews.kz.

Almaty qalasynda turatyn Elena Ratýshnaıa balasynyń óte belsendi ekenin aıtady. Bala 2013 jyly káriz qubyryna arnalǵan hımıalyq eritindini iship qoıyp, ish qurylysyna zaqym kelip, ota jasalǵan. Bala týraly onyń ákesine jaq ashpaǵan Elena Ratýshnaıa onyń ákesine habar berip, kómek suraǵan.

«Ákesi 100 myń teńge berdi, biraq bul qarjy óte az. Men balany emdeýge 2,3 mıllıon teńge jumsadym. Balany baǵý úshin birneshe jerde jumys istedim. Endi ákesi "balaǵa qaraı almaıdy" dep menen ony tartyp almaq», — deıdi Elena Ratýshnaıa.

Sot otyrysyna psıholog ta shaqyryldy. Mamannyń aıtýynsha, balanyń salǵan sýretinen-aq anasynan qashyq ekenin baıqaýǵa bolady. Bala  anasyn múlde salmaıdy eken.  Ári bala psıholog, nevropatologtyń baqylaýyna alynýy kerek. Balanyń  tili de durys shyqpaǵan.

Sot otyrysy jalǵasyp jatyr. Sotqa depýtat Iskander Nazarbaevtyń ókili ǵana qatysýda.