Saryaǵash qalasynda «Sıfrly Qazaqstan» memlekettik baǵdarlamasy aıasynda kezdesý ótti, dep habarlaıdy Qamshy.kz aqparat agenttigi Túrkistan oblysynyń baspasóz qyzmetine silteme jasap. Jıyn barysynda «Túrkistan» ÁKK» AQ-nyń «Sıfrlandyrý ortalyǵy» fılıaly men Saryaǵash aýdany ákimdigi arasynda yntymaqtastyq jóninde memorandým túzildi. 
«Túrkistan oblysyndaǵy sıfrlandyrý ortalyǵynyń» dırektory Asylbek Jangýlovtyń aıtýynsha, mundaı qujattar tyń jobalardy júzege asyrýda jańa múmkindikter beredi.
"Oblysta sandyq formatqa kóshý boıynsha qarqyndy jumystar júrgizilip jatyr. Máselen, qazirgi kúni densaýlyq saqtaý, bilim berý, qaýipsizdik, transport jáne turǵyn úı-kommýnaldy sharýashylyǵy sıaqty bes salada 27 joba júzege asyrylyp jatyr. Bizdiń fılıaldyń bir aı buryn ashylǵanyna baılanysty, ázirge, atalǵan qujattardy túzýge kelisim bergen alǵashqy aýdan Saryaǵash bolyp otyr. Aldaǵy ýaqytta mundaı kelisimder Túrkistandaǵy barlyq aýdan, qalalardyń ákimdigimen jasalyp, jumystardy birlese atqaramyz dep oılaımyn", - dedi Asylbek Jangýlov.
Óz kezeginde, Saryaǵash qalasynyń ákimi Sáýle Súleımenova «Túrkistan» ÁKK» «Sıfrlandyrý ortalyǵynyń» ókilderine alǵysyn bildirdi.