Almaty qalasy Din isteri jónindegi basqarma uıymdastyrýymen birneshe týrǵa sozylǵan «Eltanym» baıqaýy máresine jetti. Imamdardyń ulttyq qundylyqtardy qanshalyqty meńgergenin, salt-dástúr men uly tulǵalardyń din jaıyndaǵy eńbekterine qatysty bilimderin sarapqa salǵan joba joǵary deńgeıde ótti.
Memlekettik til janashyry, «Úsh baılyq» qoǵamdyq birlestiginiń basshysy, qoǵam qaıratkeri O.Asanǵazy hanymnyń usynysymen júzege asqan jobaǵa Almaty qalasy Din isteri jónindegi basqarma basshysy A.Esenbekov pen shahardyń bas ımamy E.Shoqaı myrzalar uıytqy boldy.
Alǵashqy týrdan ótken 25 ımamnyń arasynan aqtyq synǵa 8 úmitker joldama alyp, kelesi baǵyttarda baq synady:
- Ulttyq salt-dástúr men ıslam dini qaǵıdattarynyń úndestigine qatysty bilimin baǵalaý;
- Qazaq dalasyna ıslam dinin taratýshy uly tulǵalardyń eńbekterin bilý deńgeıi;
- Ýaǵyz barysynda saıysker tiliniń ádebı normaǵa saı tazalyǵyn tarazylaý.
Úmitkerler deńgeıin din men dástúrde jetik ǵylym doktorlary, ǵalymdar anyqtady.
Saıys qorytyndysy boıynsha Bas júldeni (300 myń teńge) kúni erteń ashylý saltanaty ótetin Alataý aýdanyndaǵy D.Qonaev meshitiniń bas ımamy M.Kýlsýmakov jeńip aldy.
1 - oryn Jetisý aýdany Sultan-Qorǵan meshitiniń azanshysy M.Kasımov (200 myń teńge);
2- oryn Bostandyq aýdany «Orbıta – 3» meshitiniń naıb ımamy E.Májen (150 myń teńge);
3- oryn Naýryzbaı aýdany Qaraǵaıly meshitiniń naıb ımamy T.Pernebekuly (100 myń) ıelendi.
Al arnaıy nomınasıa boıynsha (75 myń teńgeden) Ortalyq meshittiń naıb ımamy Q.Ashımov, Áýezov aýdany Aqsaı meshitiniń naıb ımamy Q.Abıshev ıelense, erekshe kórsetkishi úshin (50 myń teńgeden) Beket ata meshitiniń naıb ımamy B.Sabralıev, S.Rahımbaevtar marapattaldy. Budan ózge «Eltanymnyń» bıik deńgeıde ótýine at salysqan qazylar alqasynyń múshelerine, báıgeniń irikteý synyna qatysýshylary da Alǵys hatpen marapattaldy. Baıqaý barysynda belgili óner juldyzdary E.Qanaev, A.Turǵynbek, B.Báziljanov ónegeli sózben órilgen jyr-termeden shashý shashty. Qazylar alqasynyń múshesi fılol.ǵ.k., abaıtanýshy, «Hareket», «Jaqsy» kitaptarynyń avtory Omar Jáleldiń,qoǵam qaıratkeri Orazkúl Asanǵazynyń, t.b.sóz sóılegen belgili tulǵalardyń ulttyq rýhqa dem bergen lebizderi «Eltanymnyń» abyroıyn asqaqtata tústi. Nur-Múbarak ýnıversıtetiniń rektory, profesor Mýhammad ásh-SHahhat ál-Jındı myrza qazaq halqynyń otansúıgishtik yqylastaryna rızashylyǵyn jaýdyryp, mundaı sharalarǵa árdaıym qoldaý bildiretindigin jetkizdi. Al uıymdastyrýshy Almaty ákimdiginiń basqarma basshysy Aıdar Rahymjanuly «Eltanym» jobasy dástúrli jalǵasyn tabady dep kópshiliktiń qýanyshyn eseleı tústi.
