«Kókjaılaý» taý shańǵysy kýrortynyń jobasy boıynsha ótkizilgen kezekti qoǵamdyq tyńdaýlar qoǵamda biraz daý týǵyzdy. Taraptar arasynda syndarly dıalog bolady dep kútilgen, alaıda qarsylastardyń taktıkasyna qarap olardyń tek bir ǵana mindeti bolǵanyn baıqaýǵa bolady – ózara dıalogty toqtatý. Belsendilerdiń bundaı áreketteri azamattyq pozısıadan týyndaǵanyn kórsetpeıdi, kerisinshe materıaldyq turǵyda týyndaǵan sekildi, mysaly demokratıany qoldaý maqsatynda Ulttyq qordyń grantyn ázirleý sekildi. Bul jaıynda Qamshy.kz aqparat agenttigi Newtimes.kz saıtynyń aqparatyna súıene otyryp habarlaıdy.
Ashyq aqparat kózderinen alynǵan málimetterge sáıkes, NED Foundation – bul AQSH Kongresi men Memlekettik departamenttiń baqylaýynda bolatyn jeke komersıalyq emes uıym. Jyl saıyn NED álemniń 90-nan astam elinde ÚEU-ǵa myńnan astam grantqa qarjy bóledi. Poskeńestik keńistiktegi aýmaqtarda kóbinde reseılik ÚEU-ǵa qarjy bólingen, sonymen qatar, Grýzıadaǵy 30-dan astam jobalarǵa, Qyrǵyzstan men Armenıadaǵy 50-ge jýyq jobalarǵa qarjy bólingen. Uıymnyń jobalardy qarjylandyrý týraly aqparattar www.ned.org saıtynda kórsetilgen. Eýrazıa aımaǵynda osy tizimge «Jasyl qutqarý» ekologıalyq qaýymdastyǵy kiredi, oǵan belsendiler Svetlana Spatar men Sergeı Kýratov tikeleı qatysty. 2017 jyly «Jasyl qutqarý» qaýymdastyǵy jeke jáne qoǵamdyq uıymdarǵa óz isterin ulttyq jáne halyqaralyq sottarda usynýǵa jáne olardyń qorytyndylaryn jarıalaýǵa kómektesý úshin sheteldik qordan 84 050 AQSH dollary kóleminde sýbsıdıa aldy.
Sýbsıdıa alǵany týraly aqparat «Jasyl qutqarý» qaýymdastyǵynyń saıtynda rastalǵan. Aıta keteıik, basqa da demeýshiler arasynda taǵy 8 sheteldik donor bar.
Grantqa ıe bolǵandardyń qatarynda «Úıdegi tazalyq» atty Qoǵamdyq qor da bar, onyń basshysy belsendi Abaı Erekenov bolyp tabylady.
NED Foundation saıtynda kórsetilgen málimetterge sáıkes, ótken jyly «Úıdegi tazalyq» qoǵamdyq qoryna 37 000 evro kóleminde qarjy bólingen. Qarjylandyrýdyń maqsaty – ártúrli ekologıalyq qozǵalystardyń qatysýymen konferensıalar uıymdastyrý jáne qoǵamdyq naýqandar serıasyn ótkizý. 1 qarashada Vadım Nı men Sergeı Kýratovtyń qatysýymen ótken «Kókjaılaý» jobasyna qatysty konferensıany «Úıdegi tazalyq» qoǵamdyq qory qarjylandyrǵan bolýy ábden múmkin.
Kýratov, Spatar jáne Erekenovtiń basshylyǵyndaǵy uıymdardan basqa taǵy «Qazaqstannyń jastarǵa arnalǵan aqparattyq qyzmeti» atty uıym bar, oǵan Irına Mednıkova basshylyq etedi, sonymen qatar, Irına Mednıkova da «Kókjaılaý» jobasyna qatysty pres-konferensıaǵa qatysqan bolatyn. Jáne 2017 jyly alǵan 66 550 AQSH dollary kólemindegi qarajattyń bul jerge esh qatysy joq. Demek, qomaqty qarjy tólengen «jasyl qorǵaýshylar» ózderi oılaǵandaı fılantrop bolmaı shyqty. Qarsylastardyń barlyq argýmentteri men emosıalaryn shetke ysyra turyp, tek faktilerdi qaldyratyn bolsaq, ózderiniń shynaıy nıetteri men resýrstaryn jasyryp otyrǵan «qaıyrymdylyqqa» ıe bolamyz. Bul granttar Qazaqstanda ártúrli aqparattyq kampanıalarǵa baǵyttalǵan dep aıtýǵa ábden bolady, al Kókjaılaý – ol jáı ǵana syltaý, eger bolyp jatqan jaǵdaıdy taldap qaraıtyn bolsaq, qarsylastardyń «ýaıymy» tym shekten shyǵyp, qoǵamdyq qarsylyq retinde kórinis taýyp jatqanyn baıqaýǵa bolady.
«Kókjaılaý» jobasyna qatysty jeke belsendilerdiń maqsaty – taý kýrortyn talqyǵa salý emes, qalanyń áleýmettik-saıası jaǵdaıyn jáne olardyń mindetterin odan ári tereńdete túsý...
