Mıhaıl Lomtadze bank pen banktik holdıńtiń iri aksıoneri bolý týraly zańdylyqtaryna sáıkes Qazaqstan Respýblıkasynyń Ulttyq bankiniń ruqsatymen Kaspi.kz pen Kaspi Bank-tiń iri aksıoneri boldy.
«Biz Kaspi Bank, Kaspi Magazın, Kaspi-diń barlyq ónimderi men qyzmetteriniń ıesi jáne basqarýshysy Kaspi.kz kompanıasyn IPO-ǵa shyǵarýdy josparlaýdamyz, - dedi Kaspi.kz basshysy Mıhaıl Lomtadze. - Soǵan sáıkes men Qazaqstan Respýblıkasynyń Ulttyq bank bergen kelisimdi paıdalanyp, Kaspi.kz-tiń iri aksıoneri bolýdy jáne Kaspi.kz basqarma tóraǵasy qyzmetin atqarýdy sheshtim. Jaqyn ýaqytta biz qazirgi ýaqytta Kaspi Bank-tiń basqarma quramyndaǵy Pavel Mıronov, Iýrıı Dıdenko men Tengız Mosıdzeniń Kaspi.kz kompanıasynyń basqarma quramyna taǵaıyndalǵanyn habarlaımyz. Olar qazirgi qyzmetin birge atqarady. Pavel Mıronov Kaspi.kz-tiń basqarma músheligimen qatar Kaspi Bank-tiń basshysy mindetin atqarýshy qyzmetin qosa atqarady».
♦Kaspi banktiń bankrot bolǵany ras pa? (vıdeo)
Kaspi Bank-tiń aksıoneri jáne Dırektorlar Keńesiniń tóraǵasy Vácheslav Kım Kaspi.kz-tiń Dırektorlar keńesin de basqarady.
♦Kaspi Bank-tiń tutynýshylar úshin mańyzdy jańalyǵy bar
«Biz tek bank qana emespiz. Kaspi.kz-mıssıasy súıikti klıentteriniń ómirin jaqsartý ǵa baǵyttalǵan ınovasıalyq qyzmetter jasaýǵa negizdelgen joǵary tehnologıalyq kompanıa», - deıdi Mıhaıl Lomtadze. - «Jaqynda biz halyqaralyq naryqtarǵa shyǵyp, 2019 jyly London qor bırjasynda IPO ótkizý týraly josparymyzben bólistik. Bul Kaspi-diń jańa damý kezeńi jáne biz búkil álemge Kaspi.kz týraly aıtyp, Qazaqstandy álemniń ınovasıalyq kartasyna qoýǵa senimdimiz. Bizdiń árbir klıentimizge bizben birge bolǵany úshin alǵys aıtamyz! Sizderdiń qoldaýlaryńyz bizdi ınovasıalyq qyzmetterdi iske qosýǵa shabyttandyryp, turaqty damýǵa jeteleıdi».
