Sergeı Dvorsevoıdyń "Aıka" kartınasy Oslodaǵy "FILM fra SØR" 28-shi sheteldik kıno festıvalinde jeńimpaz atandy dep jazady Qamshy.kz aqparat agenttigi sputniknews.kz saıtynyń deregin negizge alyp.
Qazaqstan atynan forýmǵa Kann kınofestıvalinde joǵary jetistikke jetken "Aıka" kartınasy, sondaı-aq Venesıa kınofestıvaliniń jeńimpazy, rejıser Ámir Baıǵazınniń "Ýrokı garmonıı", "Ranennyı angel" jáne "Reka" fılmderi qatysqan.
Kınofestıvalde Azıa, Afrıka jáne Latyn Amerıkasy elderinen barlyǵy 80 kartına qarastyrylǵan.
Ádilqazylar tórt nomınasıa boıynsha marapat usyndy – "Derekti fılm", "Kórermen syılyǵy", "Jańa daýys" jáne "Kúmis aına".
"Jańa daýys" nomınasıasynda "Aıka" fılmi jeńiske jetti.
"Qazaqstandyq aktrısa Samal Eslámova bir ózi Sergeı Dvorsevoıdyń fılmin alyp shyqty. Kamera onyń árbir qımylyn qalt jibermeı túsirgen. Beıne kompozısıasy men dybystyń shynaıylyǵy óte tabıǵı shyqqan, ekrannyń ar jaǵynda otyryp, fılmniń basty keıipkeriniń betine soqqan jeldiń ıisin sezip, onymen birge júregimiz aınyp ketkendeı bolady. "Aıka" sımýlátor sıaqty kórermen men ómirden baz keshken fılmniń basty keıipkeriniń arasyn jaqyndatyp jiberedi", — dep norveg synshylary fılmdi sıpattady.
