Qazaqstandaǵy eń tanymal sporshylardyń biri, aýyr salmaqtaǵy boksshy Sıdneı olımpıadasynyń kúmis júldegeri Muhtarhan Dildabekov Golovkın men Alvares arasynda ótken jekpe - jek týraly aıta kelip, sońǵy jeńilisinen keıin Gennadııge sportty múlde qoıý qajettigin aıtty. Bul týraly ol sports.kz aqparat agenttigine bergen suhbatynda málim etti.
–Muny eń birinshiden, sporttaǵy úlken shoý-bıznes dep aıtar edim. Ózderińiz bilesizder, kásipqoı boks jaǵdaıynda úlken aqsha aınalymǵa túsken ýaqytta jeńimpazdy anyqtaý 12 raýndtyń qalaı ótkenine baılanysty emes. Meniń oıymsha, sońǵy bes jyldaǵy Golovkın shyqqan bıikke «Kanelo» endi bettep keledi. Árıne, Golovkınge eshkimniń teń kelmegeni – ol aqıqat. Bizdiń boksshy álemdegi sýperjuldyz boldy. Endi orta salmaqtaǵy myqtylyq meksıkalyqtyń paıdasynda bolyp tur.
Qalaı aıtqanda da, qazir Golovkın óte nátıje men jyldamdyqty kórsete alatyn jasta emes. Al Kanelo bolsa, óz mansabyna qaraı joǵary órlep keledi. Saýl Alvarestiń óz múmkindigi men qýatyn ashýyna áli tolyq múmkindik bar.
Negizi Golovkınniń boks qolǵabyn shegege iletin ýaqyty keldi. Aqıqaty, ol 50 jasqa deıin bokstaspaıdy ǵoı. Gennadıı joǵary nátıjelerge qol jetkizdi, el úshin úlken jumystar istedi, Qazaqstannyń atyn álemge pash etti. Sondyqtan Golovkınniń qazaqstandyq jas boksshylardyń kásipqoı boksta múmkindigin ashýǵa yqylasy sheksiz ekenin bilemin jáne bul durys sheshim dep oılaımyn, - dedi .Sıdneı olımpıadasynyń kúmis júldegeri Muhtarhan Dildabekov.
