Erlan Saırov Elbasynyń "Uly dalanyń jeti qyry" atty maqalasyna qatysty pikir bildirdi, dep jazady Qamshy.kz aqparat agenttigi.

"Kóńilge qonymdy.
Ózińniń tarıhyńmen maqtanyp qana qoımaı, sol tarıhtyń qyr-syrlaryn saraptap, ǵylymı negizde bolashaqqa baǵdar jasaý óte ózekti.
Biz jahandaný zamanyna ózimizdiń tamyrymyzben, sol tamyrymyzdy tereńdete otyryp enýimiz ózekti.
Osy turǵyda, ózimizdiń tolaǵaı tarıhymyzdy túletý kún tártibinde, jáne mańyzdy.
Otarlaý kezeńinde bizdi, qazaqtardy tarıhy bolmaǵan, bolmysy, bet-álpeti joq, dalany kezip júrgen halyq retinde kórsetý áreketteri boldy.
Biz sol júıeli áreketterdiń arqasynda ózimizdiń tarıhymyzdan aırylyp qaldyq, tarıhty esimizge alǵymyz kelmedi, "tarıhtan sharshaý" sındromyna iliktik...
"Halyqty qurtqyń kelse, onyń tarıhyn qurtý kerek, tarıhyn bilmegen halyq tobyrǵa aınalady" degen aspekt bar.
Biz osynaý "máńgúrttik" zamandy da basymyzdan ótkerdik...
Jahandaný prosesteri ulttyń ótkeni men ótkergenin basqasha kózqaraspen saraptaı otyryp, bolashaqqa baǵdar jasaýdy talap etedi...
Jahandaný árqashan bolǵan...
Halyqtardyń Uly kóshi, Altyn Orda, Delı sultanaty Uly dalanyń senarıimen bolǵan jahandanýdyń jobalary...
Osy tarıhı jobalardyń jetistikterin áli kúnge deıin batys ıelenip, paıdalanyp keledi...
Atty qolǵa úıretý, úzeńgi, metalýrgıa, altyny óńdeý tehnologıalary bizdiń qasıetti jerde paıda bolǵan...
Osy jaıt batys tarıhnamasynda jabýly qazan bolyp tur.
Ǵylymı-tehnıkalyq progrestiń tarıhshysy Lınn Ýaıt "Úzeńgini jasaý adamzat tarıhynda ushaq, avtomobıldi jasaýmen teń revolúsıa jasady" deıdi...
Bizge tarıh arqyly, ózimizdiń bolashaǵymyzǵa jol salý qajet..." - deıdi Erlan Saırov óziniń jelidegi paraqshasynda.