Óskemenniń shekara beketinde tótenshe jaǵdaı oryn aldy. 19 jastaǵy shekarashy keýde tusynan 2 ret oq tıip kóz jumdy dep jazady Qamshy.kz aqparat agenttigi 31 arnanyń deregin negizge alyp. Kúdiktiniń sózinshe, qaıǵyly jaǵdaıǵa qarýdyń sebep bolǵan.
Shekarashy Álıhan Qojageldıev atys qarýynyń bir bólshegin joǵaltyp alǵany jaıly shekara narádynyń aǵa qyzmetkeri Artem Dereglazovqa aıtqan. Ekeýi birlesip izdegenimen qarý bólshegi tabylmaǵan. Seriktesi Artemnyń sózinshe, ol jazadan qorqyp, ózine oq atqan.
"Bul tek jalǵyz kýáger Dereglazovtyń aıtýyna baılanysty taraǵan aqparat. Buǵan sený qıyn. Eger adam óz-ózin óltirgisi kelse, birden basynan atpaıdy?! Álıhan keýdesinen 2 ret oq atqan. Dereglazov Álıhannan óte alys turǵanyn jáne barlyǵy tez bolǵanyn aıtqan" - deıdi Álıhannyń aǵasy Asqat Qojageldıev.
Álıhan Óskemendegi Aqjon shekara beketinde azamattyq boryshyn ótegen. Álıhan Qojageldıev kolejdi úzdik bitirip, ýnıversıtetke granttyq negizde oqýǵa túsken.
"Resmı derek boıynsha qatardaǵy áskerı qyzmetker óz-ózine qol jumsaǵan. Alaıda, naqty sebebin aıta almaımyn. Qazirgi ýaqytta tergeý jumystary júrip jatyr", - deıdi 2017 áskerı bólimniń komandıri Erik Turǵanbaev.
Qazir jalǵyz kýáger Artem Dereglavtyń ústinen "óz-ózine qol jumasaýǵa ıtermeleý" babyna sáıkes qylmystyq is qozǵaldy.
Al qyzmet barysynda joǵalǵan qarý bólshegi arnaıy quraldyń kómegimen tabyldy.
Al marqumnyń anasy ulynyń mundaı qadamǵa barǵanyna senbeıdi. Anasy ishteı qaıǵyly jaıttyń bolatynyn sezgendeı áskerı qyzmetke ulyn shaqyrǵan kezde de qarsylyǵyn bildiripti.
"Men jalǵyzbasty ana ekenimdi aıtqanmyn. Balamdy alyp ketpeýin surap, jalynǵan edim. Olar bolsa, maǵan "500 myń teńgeńiz bar ma? Eger bar bolsa, tóleńiz. Boldy másele sheshiledi", - dep jaýap berdi. Men óz ulymdy jaqsy bilemin. Ol bundaı qadamǵa barmas edi", - deıdi ulynan aıyrylǵan ana.
