Black Friday atty amerıkalyq jeńildikter maýsymyna Vpost-qa tirkele otyryp, qatysýǵa bolady. Atalmysh jármeńkede 350 myńnan astam ınternet-dúkenniń taýarlary 90 paıyzǵa deıingi jeńildikpen satylymǵa túsedi. Jappaı satylym qarasha aıynda bolady dep josparlanyp otyr.

Vpost.kz  «Qazposhta» AQ-nyń halyqaralyq servıske arnalǵan qyzmeti. Osynyń arqasynda siz álemdik 350 myń ınternet-dúkennen ózińiz qalaǵan taýardy aldyrta alasyz. Statısıkaǵa júginsek, búgingi tańda Vpost 4 mıllıonnan astam sálemdemelerdi tutynýshylarǵa jetkizip berdi. Onyń birden-bir ereksheligi úshinshi taraptardyń bolmaýynda jáne qosymsha shyǵyndardyń paıda bolmaýynda. Taýardy da muqıat qaptap, mejeli jerine ýaqtyly ákeledi.

Vpost.kz-ke tirkelgennen soń tutynýshy AQSH-tyń poshta mekenjaıyn alady. Osylaısha, klıent qandaı da bir taýardy satyp alǵan kezde sol adresti kórsetse bolady. Mekenjaı Oregon shtatyndaǵy Portlend qalasynan beriledi. Ol jerde tutynýshylarǵa arnalǵan salyq joq. Osyǵan oraı, tutynýshylar shyǵyndaryn 10 paıyzǵa azaıta alady.

Buǵan qosa, VPost arqyly barlyq júkterdi sonda jınap, bárin bir ýaqytta aldyrýyńyzǵa múmkindik bar. Al qoımada 3 apta kóleminde tegin saqtaı alasyz.

Aqparat úshin aıta ketsek, elimizde elektrondy saýda salasy jyl saıyn 30 paıyzǵa artyp keledi.  Qazaqstan Úkimeti elimizdegi e-kommersıany damytý maqsatynda kóptegen jumystar atqaryp jatyr. Elektrondyq saýdany alǵa jyljytýǵa arnalǵan memlekettik baǵdarlama da bar.
Birinshi qańtardan bastap kásipkerler tólemdi onlaın format arqyly júzege asyratyn bolady. Munyń ózi ınternet-dúken ıeleri úshin aıtarlyqtaı kómek.