Dımash Qudaıbergenniń talanty brıtandyq BAQ-tyń nazaryna ilikti. Londondaǵy keshinen keıin Dımash sheteldik jýrnalıserge birinen soń biri suhbat berdi.

Eki sóziniń birinde Qazaqstandy esine alǵan. Aıtýynsha, álemge el mádenıetin ana tilinde tanystyryp jatqanyn maqtan tutady. Ári Londonda jeke keshin ótkizýge qoldaý bildirgen QR Mádenıet jáne sport mınıstrine zor alǵysyn bildirdi.

♦Dımash London sahnasyn qalaı baǵyndyrdy? (vıdeo)

Sonymen qatar, bul kúnderi Dımash Birikken Ulybrıtanıa koróldigi men Soltústik Irlandıadaǵy Qazaqstan Respýblıkasynyń Tótenshe jáne Ókiletti Elshisi Erlan İdirisovpen kezdesti. İdirisov Dımashty Qazaqstannyń álemdegi elshisi dep atady. Sebebi álemdik arenadaǵy Qazaqstannyń ımıjin de kóterip jatqandardyń biregeıi – Dımash.

Suhbat berýmen qatar Dımash elshiliktegi qazaqstandyq stýdenttermen kezdesti. Qatysýshylar fotosessıa uıymdastyryp, ózderin qyzyqtyrǵan suraqtaryn qoıdy.

 Elshilik dálizinde Dımash jıylǵan jurtqa arnap fortepıanoda súıikti ánderin aıtty.

Suhbat berýdi ánshi BBC -dan bastady. Onda Dımash óziniń shyǵarmashylyǵymen bólisti. BBC World Service radıostansıasyndaǵy «Cultural Frontine» senbilik shoýyna bardy. Baǵdarlama júrgizýshisi Tına Dahelı Dımashpen onyń mýzykalyq karerasy jaıly suhbattasty. Radıony kúndelikti 75 mıllıon adam tyńdaıdy.

♦Kezinde «Borat» dep mysqyldaǵandar qazaq balasyna alǵysyn boratty

«The Independent» ınternet-basylymyna bergen suhbatynda óziniń shyǵarmashylyǵy jaıly aıtty. Jýrnalısi qyzyqtyrǵan taǵy bir suraq – ánshiniń demalatyn oryndary. Al Dımash shetelge tek jumys barysymen shyǵyp júrgenin aıtty.

♦Dımashtyń anasy kelininiń boıynda qandaı qasıet bolýy kerek ekenin aıtty

«Qazaqstanda Aqtóbe degen kishigirim qala bar. Ol jerde meniń otbasym, atam men ájem, týystarym turady. Meniń shynaıy demalatyn ornym - Aqtóbe», - dep jaýap berdi Dımash.