Aýa raıynyń buzylýyna baılanysty senbiniń keshinen bastap Astana men bes oblysta joldar jabylǵan. Qar aralas jańbyr, kóktaıǵaq pen uıytqyǵan jelge baılanysty Astanadan Qaraǵandy, Qorǵaljyń men Qabanbaı batyr aýylyna qatynaıtyn avtokólik joldary jabyq tur dep habarlaıdy Qamshy.kz aqparat agenttigi qala ákimdiginiń baspasóz qyzmetiniń deregin negizge alyp. 

Qarashanyń 24-i kúni saǵat 18:00-de Pavlodar oblysynda respýblıkalyq jáne oblystyq mándegi birqatar joldar jabyldy dep habarlaıdy Qazaqparat. "Almaty - Óskemen" (79-615 shaqyrymy) jáne "Saryózek - Kóktal" (15-65 shaqyrymy) baǵytyndaǵy joldarda kólik qozǵalysy toqtatylǵan. Jambyl oblysynda "Almaty - Tashkent - Termez" avtokólik jolynyń Aısha bıbi aýylynan Túrkistan oblysy shekarasyna deıingi jáne Jambyl oblysy shekarasynan Jaskeshý aýylyna deıingi bóligi jabylǵan.

Sonymen birge Shyǵys Qazaqstan jáne Qaraǵandy oblystaryndaǵy keı joldarda kólik qozǵalysyna shekteý engizilgen.