Qazaqstandyq boksshy Danıar Eleýsinov (4-0, 2 KO) Monte-Karlodaǵy (Monako) boks keshi aıasynda nıkaragýalyq Markos Mohıkamen jekpe-jek ótkizdi dep jazady Qamshy.kz aqparat agenttigi sports.kz saıtynyń deregin negizge alyp.
Jekpe-jek segiz raýndqa eseptelgen bolatyn, biraq merziminen buryn aıaqtaldy: Eleýsinov úshinshi raýndta tehnıkalyq nokaýtpen jeńiske jetti.
Nokaýt pen jekpe-jektiń tolyq vıdeosyn nazarlaryńyzǵa usynamyz.
Osylaısha, Danıar kásipqoı bokstaǵy besinshi jeńisine qol jetkizdi, onyń úsheýin merziminen buryn aıaqtady. Buǵan deıin qazaq boksshysy amerıkalyq Noa Kıdti (3-1-1, 2 KO) úshinshi raýndta, taǵy bir AQSH ókili Mett Doertıdi (8-6-1, 4 KO) birinshi raýndta tehnıkalyq nokaýtpen utqan bolatyn.
