AQSH Ortalyq barlaý basqarmasynyń (SRÝ) burynǵy ofıseri, 78 jastaǵy Norman Hodjes 1959 ben 1972 jyldar aralyǵynda Amerıka úkimetiniń buıryǵy boıynsha 37 adamdy óz qolymen óltirgenin málimdedi. Hodjes ataqty aktrısa Merılın Monronyń ólimine de ózi sebepshi bolǵanyn moıyndaǵan. Bul týraly worldnewsdailyreport.com saıtyna silteme jasaı otyryp, REGNUM aqparattyq agenttigi habarlady. Qart ofıser jýyrda Vırdjınıa shtatyndaǵy shaǵyn gospıtálǵa jatqyzylǵan. Qanshama jyl jasyryp kelgen syryn sol jerde jaıyp salypty. Hodjestiń aıtýynsha, ol maıora Djeıms «Djımmı» Heıvorttyń ámirimen «memlekettiń qaýipsizdigine qaýip tóndiretin» adamdardy óltirip otyrǵan. Norman Hodjes kásibı kisi óltirýshiler «bestiginiń» bir múshesi bolǵan kórinedi. Olar kózqarastary AQSH múddesine qaıshy keletin saıası belsendilerdi, jýrnalıser men ǵalymdardy, kásipodaq kóshbasshylary men sýretshilerdi joldan ysyrǵan. Merılın Monro – Hodjestiń qolynan ólgen jalǵyz áıel. Ofıser bul isine ókinbeıtinin aıtqan. Óıtkeni Monronyń Kennedı men Fıdelem Kastrodan bólek taǵy birneshe yqpaldy adamdardyń kóńildesi bolǵanyn dáleldeıtin derekter kóp bolypty-mys. Sondaı-aq, SRÝ-diń burynǵy qyzmetkeri aktrısanyń «komýnıserge strategıalyq aqparatty jetkizý» yqtımaldyǵy joǵary bolǵanyn da aıtypty. 1962 jyly 5 tamyzda Hodjes atyshýly ólimdi júzege asyrǵan: aktrısanyń bólmesine kirip, tynyshtandyratyn ekpe jasaıdy. Ekpe quramyndaǵy nembýtal (barbıtýrat) Monronyń ólimine sebepshi bolsa kerek. Qazir qart ofıserdiń sózin rastaıtyn eshkim joq. Maıor Heıvort ta, «bestiktiń» ózge músheleri de kóz jumǵan. Biraq Hodjestiń sózi FBR-diń nazaryn aýdarmaı qoımady: ólim aýzynda jatqan qarıanyń qolyna kisen salynyp, zertteý júrgizile bastady.

"Túrkistan"