Búgin Astanadaǵy Ulttyq akademıalyq kitaphanada Qazaqstan Respýblıkasy Mádenıet jáne sport mınıstrliginiń Til saıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵymen birlese otyryp, «Termınologıanyń ózekti máseleleri» atty respýblıkalyq ádistemelik semınar ótkizdi. Semınar kórnekti jazýshy, aýdarmashy, termıntanýshy ǵalym İslám Jarylǵapovtyń 100 jyldyq mereıtoıyna oraılastyra uıymdastyrylǵan.
«Til-Qazyna» ulttyq ǵylymı-praktıkalyq ortalyǵy Bas dırektorynyń mindetin atqarýshy Erbol Tileshov moderatorlyq jasady.
Kirispe sózdi QR Mádenıet jáne sport mınıstrligi Til saıasaty komıtetiniń tóraǵasy Qýat Borashev ashyp, qazirgi qazaq tilindegi termınologıa máseleleri boıynsha jasalǵan jumystar men alda atqarar jumystar barysyn tilge tıek etti.
Semınarda Qazaqstan Respýblıkasynda Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasyn iske asyrý maqsatynda Qazaqstan Respýblıkasy Prezıdenti Ákimshiligi, Qazaqstan Respýblıkasy Premer-Mınıstriniń Keńsesi, Qazaqstan Respýblıkasy Parlamenti Senatynyń Apparaty, Qazaqstan Respýblıkasy Parlamenti Májilisiniń Apparaty, Qazaqstan Respýblıkasy mınıstrlikteriniń jetekshi mamandary arasynda qazaq termınologıasynyń qordalanǵan máseleleri talqylandy. Sonymen qatar Ahmet Baıtursynuly ustanǵan termınjasam mehanızmin ilgeri jyljytqan sóz zergeri İslám Jarylǵapovtyń tájirıbesiniń qyr-syry sóz boldy.
Atalǵan ádistemelik semınarda termınjasamnyń baǵyttary aıqyndalyp, termınderdi talqylaýdyń halyqaralyq jáne otandyq tájirıbeler zerdelendi.
sharaǵa Qazaqstan Respýblıkasy Parlamentiniń depýtattary, Qazaqstan Respýblıkasy Úkimetiniń janyndaǵy Respýblıkalyq termınologıa komısıasynyń músheleri, lıngvıs-ǵalymdar, BAQ ókilderi, ortalyq atqarýshy organdardyń jetekshi mamandary, ulttyq kompanıalar men aksıonerlik qoǵamdardyń memlekettik tilde isqaǵazdaryn júrgizýge jaýapty qyzmetkerleri qatysty.
