26 qazanda Qazaqstan Respýblıkasy Mádenıet jáne sport mınıstrligi Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy «Jańa emle erejelerin meńgertý: ádisnamasy men ádistemesi» taqyrybynda respýblıkalyq semınar-keńes ótkizdi.
"Semınardyń maqsaty – latyn grafıkasyna negizdelgen jańa emle erejelerin meńgertýdiń ǵylymı-praktıkalyq ustanymdaryn talqyǵa salyp, oqytý prosesinde kezdesetin qıyndyqtardy anyqtaý jáne olardy sheshýdiń tıimdi joldaryn kórsetý" - deıdi uıymdastyrýshylar.
Latyn grafıkasyna negizdelgen jańa emle erejeleri bekitilgennen keıin ádistemelik jumys tobynyń jumysy jandanyp, jańa emleni meńgertý prosesin uıymdastyrý sharalary qolǵa alynatyny belgili. Osyǵan oraı respýblıkaǵa belgili ádisker-ǵalymdardyń, óńirlerdegi tilderdi oqytý ortalyqtary mamandarynyń jańa emleni oqytýdyń alǵysharttary jónindegi teorıalyq jáne praktıkalyq oı-pikirleri men tujyrymdary taldandy.
Sharaǵa QR Mádenıet jáne sport mınıstrligi Til saıasaty komıtetiniń qyzmetkerleri, Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń mamandary, ulttyq komısıa janyndaǵy ádistemelik jáne orfografıalyq jumys toptarynyń músheleri, «Órleý» BAUO» AQ, Y.Altynsarın atyndaǵy Ulttyq bilim akademıasy, «Oqýlyq» respýblıkalyq ǵylymı-praktıkalyq ortalyǵynyń, Ulttyq testileý ortalyǵynyń ókilderi, respýblıkalyq oqytý ortalyqtarynyń basshylary men ádiskerleri, BAQ ókilderi qatysty.
