Búgin Mańǵystaý oblysynyń ákimi E.Toǵjanov Astana qalasynda dzúdodan erler men áıelder arasynda ótken el chempıonatynyń júldegerlerimen kezdesti.

Ákimdiktiń baspasóz qyzmetiniń habarlaýynsha, basshynyń qabyldaýynda Baýyrjan Narbaev, Aqnıet Turdan, Anna Kazúlına, Rýslan Mýsaevtarmen qatar Brazılıa elinde ótken Dzúdodan áskerıler arasynda álem chempıonatynyń qola júldegeri Ámirbek Jeńisov boldy.

Oblys ákimi dzúdoshylarǵa tolaǵaı tabys tilep, kezekti dodalarǵa sáttilik tiledi. Sportshylar bir jyl buryn aımaq basshysymen kezdeskenin esine alyp, alǵysyn bildirdi. Oblys ákimi dzúdo salasynda jasalyp jatyrǵan jumystarǵa toqtalyp, chempıondardyń bapkerleri Aıbek Imashev, Manarbek Bısekenov, Sergeı Volobýev, Mańǵystaý oblysy dzúdo federasıasynyń prezıdenti Asylbek Joldybaevqa óziniń ystyq lebizin bildirdi. «Respýblıkalyq deńgeıde oblysymyzdyń abyroıyn asqaqtatqan mańǵystaýlyq sportshylar namysty qoldan bermegenin bilemiz. Bul sportshylar Mańǵystaý oblysynyń qorjynyna medal salyp, mereıimizdi ústem etti. Budan basqa alda ótetin Azıa jáne Álem chempıonatynda, 2020 jyly Tokıoda ótetin jazǵy Olımpıada oıyndaryna qatysatyn bizdiń sportshylarǵa zor senim bildiremiz», - dedi oblys ákimi. Esterińizge sala keteıik, dzúdodan QR chempıonatynda Mańǵystaýlyq sportshylar 3 altyn jáne 2 kúmis medaldi ıelenip, jalpy komandalyq esepte ekinshi oryndy oljalaǵan bolatyn. Sonymen qatar Brazılıadaǵy áskerıler arasyndaǵy Álem chempıonatynda 66 kg. salmaq dárejesinde beldesken Mańǵystaýlyq palýan Ámirbek Jeńisov qola júldeger atandy.