Halyq aspaptarynda oryndaýshylardyń baıqaýy eki jyl saıyn dástúrli túrde ótkizilip keledi. Bıyl alǵash ret halyqaralyq dárejede uıymdastyryldy. Oǵan Ázirbaıjan, Ózbekstan, Qyrǵyzystan jáne Qazaqstannyń barlyq óńirinen úmitkerler keldi. Bas júldege 1 mln teńge tigilgen edi. Ony Almaty qalasynan kelgen Sadenov Tańat Serikuly qanjyǵasyna baılady dep habarlaıdy mangystaumedia.kz saıty.

Aıta keteıik, baıqaý 2004 jyly alǵash ótkizilgende 9 ónerpaz qatyssa, búginde olardyń qatary 50-ge taıaǵan.

«Halyqaralyq deńgeıde ótip jatqan konkýrstar bizde óte az, sondyqtan bul bir qýanarlyq jaǵdaı. Osy joly qatysýshylarǵa qoıylǵan talap óte kúrdeli. Sondaı-aq baıqaý jaıly bir estelik aıtqym kelip otyr. Konkýrs alǵash uıymdastrylǵanda men qazylar alqasynyń múshesi retinde kelgen bolatynmyn. Sol jyly bas júldege kólik tigildi. Alaıda qazylardyń sheshimimen eki júırik birdeı shyǵyp, eki jeńimpazǵa da kólik bergen bolatynbyz. Sondaı bir este qalarlyq oqıǵa bolǵan edi», - dep eske aldy kúıshi, QR eńbek sińirgen ártisi, Qurmanǵazy atyndaǵy Ulttyq konservatorıanyń dosenti Aıgúl Úlkenbaeva.

M.Óskinbaev atyndaǵy

Mańǵystaý kúıiniń atasy, kásibı dombyrashy – Murat Óskinbaıuly atyndaǵy halyqaralyq halyq aspaptarynda oryndaýshylar konkýrsynyń maqsaty – Mańǵystaýdyń mýzykalyq mektebin halyqaralyq deńgeıde nasıhattaý, oryndaýshylardyń arasynan jańa esimderdi anyqtaý.

«Babalar murasyn qaıta jańǵyrtyp, halqymyzdyń mádenıetin saqtaý jáne urpaqtan urpaqqa jetkizý arqyly dástúrli ónerimizdiń tól týyndylaryn shet eldik ónerpazdar arasyna taratý. Sonymen qatar M.Óskinbaıuly shyǵarmalaryn álem halyqtarynyń aspaptarynda oryndatý arqyly nasıhattaý jáne óner kógindegi ózindik naqyshty órnegin ári qaraı jetildirý», - deıdi Mańǵystaý oblystyq mádenıet basqarmasynyń basshysy Pánıa Ońalbaıqyzy.

Bul jolǵy saıys jańa nomınasıalarymen de erekshelendi. Qatysýshylar «Dombyra-prıma», «Dombyra-alt», «Sherter»;

«Qobyz», «Ǵıdjaq»;

«Dombyra» nomınasıalary boıynsha baq synady. Oǵan elimizge belgili óner maıtalmandary, profesorlar men ustazdar qazylyq etti.

«Osy saıysqa kelerde M.Óskinbaıuly atamyzdyń 25 kúıine daıyndaldym. Qazylardyń tapsyrmasy boıynsha birneshe kúı oryndadym. Sońǵy saıysta Murat atamyzdyń «Aqsaq qulan» kúıin orkestrmen tartqan bolatynmyn.

Sol kúı maǵan jeńis syılady dep oılaımyn»,-deıdi bas júldeger, Qurmanǵazy atyndaǵy qazaq Ulttyq konservatorıasynyń kýrs magıstarnty T.Sadenov.

«Dombyra-prıma», «Dombyra-alt», «Sherter» nomınasıasy:

I oryn: Jýmkenova Aıaaýlym Qajymuhanqyzy (Astana qalasy), Tıgaı Krıstına Vadımovna (Almaty qalasy).

II oryn: Jumaǵalıev Azamat Erjanuly (Atyraý oblysy), Ablaeva Asylaı Erbýlatqyzy (Almaty qalasy), Babaev Ibragım Ramızovıch (Ázirbaıjan, Baký).

III oryn: Asanova Sanıa Tilegenqyzy (Mańǵystaý oblysy), Baıqulov Hamıt Serikbaıuly (Mańǵystaý oblysy), Ismatýllaev Samandar (Ózbekstan, Tashkent), Jumaǵalıev Turlan Mahmýtuly (Almaty qalasy).

Dıplomant–Jolmaǵambetov Álınur Altaıuly (Mańǵystaý oblysy),Nesipbaeva Farıza Dýlatqyzy (Almaty qalasy), Iskah Zarına Aıbekqyzy (Almaty qalasy).

«Qobyz» «Ǵıdjaq» atalymy:

I oryn: Mýrzalıeva Sadjana Sadyrbekqyzy (Astana qalasy), Temir Aıjarqyn Jaıqyzy (Atyraý oblysy);

II oryn: Atosheva Gúlim Qazıhanqyzy (Batys Qazaqstan oblysy), Kabdymanova Anar Magaýıaqyzy (Aqtóbe oblysy);

III oryn: Mýsa Azıza Jumageldiqyzy (Astana qalasy), Kısárova Araılym Batyrhanqyzy (Almaty qalasy), Shodyrova Ulmeken Qonaqbaıqyzy (Astana qalasy);

Dıplomant: Kopjanova Baljan Mamyrhanqyzy (Shymkent qalasy),Ábjapbar Aınur Jeńisbaıqyzy (Mańǵystaý oblysy);

«Dombyra» nomınasıasy boıynsha júldeli oryndar:

I oryn – Ádilbekov Erasyl Nurbekuly (Almaty qalasy),

Iİ oryn – Rınatov Erasyl Rınatuly (Almaty qalasy), Qudaıbergenov Daryn Berikuly (Astana qalasy);

III oryn– Mýsaev Bekarys (Mańǵystaý oblysy), Kýchkarova Zıeda (Ózbekstan, Tashkent), Temir Aqbóken İzbasaruly (Almaty qalasy);

Dıplomant – Kósherbaı Muhammeddın Ermekuly (Qyzylorda oblysy);