Úsh gımnasshy qyzymyz Izraılde ótken «Venera Cup» týrnırinde birneshe júldeni qatarynan qorjynǵa saldy. Kórkem gımnastıkadan halyqaralyq dárejedegi tóreshi, Keńes Odaǵynyń birneshe dúrkin chempıony Venera Zarıpovanyń qurmetine ótkiziletin «Venera Cup» halyqaralyq týrnıri bıyl 8-ret uıymdastyryldy.

Týrnırge Reseı, Polsha, Germanıa, Japonıa, Kıpr, Slovekıa syndy elderdiń sportshylary qatysqan. Al Qazaqstannyń Mańǵystaýdan ózge Almaty, Shymkent qalasynan úmitkerler baq synaǵan.

«11 memlekettiń gımnasshylary qatysty. Saıysqa aparǵan úsh sportshymyz da júldeli qaıtty. Jeken Darıa (2011 j.t.) bp, dop jáne kópsaıystan altyn júldege aldy. Qıbasova Aıaýlym (2008 j.t.) sekirgishten 1 oryn, doptan 3 oryn, kópsaıystan 3 oryn ıelendi. Al Jańbyrshıeva Jansaıa (2007 j.t.) taıaqpen jáne taspamen óner kórsetýden 1, doptan 2, kópsaıysta 2 oryn enshiledi, — deıdi jattyqtyrýshy Bıbigúl Ernazarova.