Qytaı mıllıarderi, álemdegi eń iri Alibaba ınternet-kompanıasynyń negizin qalaǵan Djek Ma Qytaıdaǵy komýnıstik partıasyna múshe bolyp kirgen eken. Bul týraly “Jenmın jıbao» basylymy habarlady. Alaıda aqshasy tasyp turǵan kásipkerge partıanyń quramyna kirý qanshalyqty qajet boldy? .

Basylym málimetine sáıkes, partıaǵa múshe azamattardyń tizimine 100 adam engen, olardyń bári reforma saıasatyna óz úlesterin qosqandar. Al Djek Ma Qytaıdaǵy komýnıstik partıanyń múshesi retinde tanyldy. Partıaǵa dál qaı ýaqytta kirgeni aıtylmaǵan.

Búginde Manyń baılyǵy 36,6 mıllıard dollarǵa baǵalanǵan. Qytaıdaǵy eń baı adamdardyń tiziminde úshinshi orynda tur.

«Onyń bastamasymen qurylǵan Alibaba ınternet-kompanıasy álem boıynsha iri ondyqtyń qataryna endi. Sol kompanıanyń arqasynda Qytaı búginde elektrondy saýda ındýstrıasy joǵary damyǵan birden bir memleket», - dep jazdy «Jenmın Jıbao».

Sonymen qatar, bul tizimde Baidu kompanıasynyń bas dırektory Robın Lı men Tencent telekomýnıkasıa kompanıasynyń tóraǵasy Ma Hýateng bar.

Al endi suraq mynada. Djek Manyń kompartıa quramyna múshe bolǵanyn Qytaı Komýnıstik partıasy nege dál qazir habarlaýdy jón kórdi, Alibaba basshysy partıa quramynda ne istep júr, qandaı qajettilik týdy?

Shı Jınpınniń bıligi tusynda bıznes pen saıasat arasyndaǵy shekaranyń birigetin túri joq. Sarapshy ári bıznesmen Mark Natkınniń aıtýynsha, Qytaı bıligi ómirde de, ekonomıkada da partıanyń mańyzy joǵary bolǵanyn qalaıdy.

«Qytaı bıligi eldegi iri ınternet-kompanıalardy saıası bastamalary úshin tıimdi qural retinde paıdalanyp júr. Partıaǵa múshe bolyp kirgen adam oǵan baryn arnaıdy. Onyń ústine partıa músheligi sizden joǵary saıası belsendilikti talap etpeıdi», - dedi Mark Natkın.

Qyrkúıekti Djek Ma óziniń laýazymynan bas tartyp, zeınetke shyǵatynyn málimdegen. Onyń oryntaǵy kompanıanyń atqarýshy dırektory Denıel Chjanǵa buıyrady.

Djek Ma buǵan deıin de bıznesin ózgeniń qolyna tabystap, qaıyrymdylyqpen aınalysqysy keletinin talaı márte aıtqan. Tipti ustazdyq etý týraly josparynyń da bar ekenin aıtqan edi.

Djek Manyń atymen ashylǵan qor Qytaıdyń keı aýdandarynda bilim berý baǵdarlamalarymen aınalysady.

Djek Ma degen kim?

♦35 jasta baıymasań, ýaqyttyń beker ótkeni. Djek Madan 30 paıdaly keńes

Mezgilinen buryn ári óz erkimen zeınetke shyqqan basshy... Qulaǵyńyzǵa túrpideı estilip tur ma? Qytaıda kompanıa prezıdenti 54 jasyna zeınetke shyǵyp, qalǵan ómirin jan tynyshtyǵyna arnamaq. Ol mıllıardtan astam turǵyny bar Qytaıdyń eń baı adamy.

10 qyrkúıek Alibaba kompanıasynyń prezıdenti  Djek Ma 54 jasqa toldy. Sonymen qatar ol kúni Qytaıda «Muǵalimder kúnin» toılaıdy eken. Alibaba kompanıasyna deıin Djek Ma aǵylshyn tilinen sabaq bergen. Zeınetke shyqqannan keıin de endigi ómirinde ustazdyq etýge bel býypty. Ári qaıyrymdylyqpen aınalysýdy nıet etip otyr. Dál qyrkúıektiń 10-y, ustazdar merekesinde zeınetke shyǵyp, ustazdyq joldy tańdaýy da beker emes bolar. Djek Ma bul kúndi ádeıi tańdady ma álde sáıkestik pe, belgisiz, alaıda uly adamnyń ómirinde sátti sáıkestikterdiń jıi oryn alýyn óz basym «ǵajap» der em.

Deı turǵanmen mıllıarder bir ǵasyrdyń jarty ǵumyrynda bar baılyǵyn, jıǵan-tergenin ózge bireýge «op-ońaı» qaldyryp ketkenine siz de tańyrqap qalǵan bolarsyz. Ózi bul áreketin túsindirýge tyrysypty. Aıtýynsha, qaıyrymdylyq is pen ustazdyq etýden ózge de sebepteri bar.

The New York Times basylymynyń deregine súıensek, Ma Qytaıdaǵy iskerlik ortaǵa kóńili tolmaıdy. Memlekettik kásiporyndar jeke kompanıalardyń jumysyna bóget keltiredi. Al óziniń zeınetke shyǵýyn Djek Ma «jańa dáýirdiń bastamasy» dep sanaıdy.

Forbes Djek Manyń baılyǵyn  $36,6 mlrd-qa eseptep berdi. 1999 jyly ashylǵan kompanıasy búginde álemniń eń iri rıteılerleriniń birine aınalyp otyr.

Bloomberg TV arnasyna bergen suhbatynda mıllıarder qaıyrymdylyqpen aınalysqysy keletinin aıtypty. Kompanıadan ketken soń bilim berý jobalaryn qarjylandyratyn qor ashqysy keledi. Bıll Geıtstiń izimen júrýdi qalaıdy.

Aıta keteıik, Microsoft Word baǵdarlamasynyń negizin qalaýshy Bıll Geıts 2015 jyly Afrıkaǵa barǵan saparynan keıin qaıyrymdylyq qorymen aınalysqysy keletinin aıtqan. Onyń oıynsha, damymaı qalǵan memleketterge joǵary tehnologıa emes, tamaq pen dári-dármek kerek.