Mańǵystaýda balabaqshamen qamtý 97 paıyzǵa artty

Mańǵystaý oblystyq Qazaqstan Halqy Assambleıasynyń HHİİ sesıasy otrysynda jasaǵan baıandamasynda oblys ákimi densaýlyq, bilim, mádenıet, sport jáne áleýmettik sala qyzmetkerleri men jastar úshin jasalǵan ıgi isterge toqtalyp ótti.

Bıyl 3 pen 6 jas aralyǵyndaǵy balalardy balabaqshamen qamtý kórsetkishi – 84%-ten 97%-ke artqan (RK – 93,1%). Kelesi jyly bul kórsetkishti 100%-ke jetkizý kózdelgen.

Óńirde apatty jaǵdaıdaǵy mektepter joq. Demografıalyq ósimniń joǵarylyǵyna baılanysty úsh aýysymdyq oqytý máselesin sheshý jolǵa qoıylǵan. Osy baǵytta jańa oqý jylynda jalpy syıymdylyǵy 6300 oryndyq 9 jańa mektep qoldanysqa berildi.

Taǵy 4 mekteptiń (syıymdylyǵy 2200 oryndyq) qurylysy 2019-2021 jyldary respýblıkalyq búdjetten qarjylandyrýǵa usynylǵan.

-Oqýshylar kontıngentiniń jyl saıyn 6 myńǵa artýyn esepke ala otyryp, 2019 jylǵa taǵy 14 mektep qurylysy respýblıkalyq búdjetten qarjylyndyrýǵa qosymsha usynylatyn bolady. Aldymyzda turǵan ózekti máseleniń biri – stýdentterdi jataqhanamen qamtý. Jalpy qajettilik 2600 oryn (kolejder úshin – 1600 oryndyq 5 jataqhana, ýnıversıtet úshin – 1000 oryndyq 2 jataqhana), onyń ishinde osy jyldyń sońyna deıin 550 oryndyq 2 jataqhana paıdalanýǵa beriledi (energetıkalyq kolej – 200 oryn, gýmanıtarlyq kolej – 350 oryn), - dedi aımaq basshysy.

Densaýlyq saqtaý salasynda memlekettik-jekemenshik áriptestik mehanızmin keńinen qoldaný qolǵa alynǵan. Máselen Jańaózen qalasyndaǵy gemodıalız ortalyǵy, Mańǵystaý oblystyq jáne Beıneý aýdandyq aýrýhanalarynda kompúterlik tomograf ornatý, densaýlyq saqtaý uıymdarynda ÝZI ornatý.

-Oblys ortalyǵynda Ana men bala óńirlik Ortalyǵy qoldanysqa berildi. Kópten sheshimin tappaı kelgen, qurylysy uzaqqa sozylǵan onkologıalyq ortalyqtyń qurylysy jer qoınaýyn paıdalanýshy kompanıa qarjysy esebinen (NCOC – 7 mlrd.teńge, merdiger – Evrostroı) qazan aıynda qaıtadan bastaldy, - dedi Eraly Luqpanuly.