Mańǵystaý oblystyq Qazaqstan Halqy Assambleıasynyń HHİİ sesıasy otrysynda jasaǵan baıandamasynda oblys ákimi densaýlyq, bilim, mádenıet, sport jáne áleýmettik sala qyzmetkerleri men jastar úshin jasalǵan jumystar jóninde baıandady.

-Mańǵystaý oblysynyń jalpy bilim berý uıymdarynda oqýshylarǵa kásiptik baǵdar berý jumystary  júıeli túrde ótkiziledi. «Serpin» baǵdarlamasymen 1039 bala bilim alyp alýda, onyń ishinde Joǵarǵy oqý orny  – 864, kolejerde – 175 bala. 2018 jyldyń sáýir aıynyń 14-de oblystyq mektep bitirýshi túlekterge arnalǵan «Mamandyqtar festıvali» ótkizildi. Festıváldarǵa respýblıkalyq «Serpin» baǵdarlamalar basqarmasynyń basshylyǵy, jobaǵa kiretin 13 Joǵarǵy oqý orny  ókilderi men batys óńiri kolejderiniń stýdentteri qatysty. Osy sharaǵa myńnan asa oqýshy men stýdentter qatystyryldy», - dedi óńir basshysy óz sózinde.

Aıta keteıik, «Serpin 2050» áleýmettik jobasy 2014 jyldan beri jumys istep kele jatyr. Áleýmettik jobanyń maqsaty — bes iri óńirdiń jastaryn kadr jetispeýshiligin bastan keshirip otyrǵan Qazaqstannyń shyǵys, soltústik jáne ortalyq óńirlerinde oqytyp, jumysqa ornalastyrý.

Jobaǵa UBT tapsyrmaǵandar, byltyr jáne oǵan deıingi jyldary mektep nemese kolej bitirip,  JOO-na túse almaǵan jastar qatysa alady. Ol úshin keshendi testileý tapsyrý kerek. Degenmen tańdaý páni men ózge pánderden 5 baldan tómen alǵandar qatysa almaıdy.