Búgin Almaty qalasyndaǵy Ulttyq kitaphanada Qazaqstan Respýblıkasy Mádenıet jáne sport mınıstrligi Til saıasaty komıteti «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» «Latyn álipbıin engizýdiń ǵylymı uıymdastyrýshylyq mindetteri» taqyrybynda respýblıkalyq semınar-keńes ótkizdi.

Semınar-keńestiń maqsaty – latyn grafıkasyna negizdelgen jańa emle erejelerindegi shet tilinen engen sózderdiń emlesine qatysty usynys-pikirlerdi saralaý, termınderdi beıimdeý kezinde kezdesetin qıyndyqtardy anyqtaý jáne olardy sheshýdiń tıimdi joldaryn kórsetý. Osy maqsatty oryndaý úshin orfografıalyq jáne termınologıalyq jumys tobynyń músheleri kezdesip, ortaq ǵylymı qaǵıdattardy anyqtaıdy. Olar jańa qazaq álipbıiniń emle erejelerinde kórinis tabady.

Sharaǵa QR Mádenıet jáne sport mınıstrligi Til saıasaty komıtetiniń qyzmetkerleri, Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń mamandary, Ulttyq komısıa janyndaǵy orfografıalyq jáne termınologıalyq jumys toptarynyń músheleri, Ahmet Baıtursynuly atyndaǵy Til bilimi ınstıtýtynyń, L.N. Gýmılev atyndaǵy Eýrazıa ulttyq ýnıversıtetiniń, Súleımen Demırel ýnıversıteti, Qazaqstan Respýblıkasy Prızıdenti janyndaǵy Memlekettik basqarý akademıasynyń ókilderi jáne joǵary oqý oryndarynyń ǵalymdary qatysyp, oı-pikirlerin bildirdi.