Qazaqstan prezıdenti Nazarbaev zıatkerlik mektepteriniń 2068 jylǵy túlekterine amanat hat jazyp qaldyrdy, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp.
Búgin Astanada "Nazarbaev zıatkerlik mektepteri" derbes bilim berý uıymynyń 10 jyldyǵyna arnalǵan "Uly dala muragerleri" oqýshylar men pedagogtardyń forýmy ótti. Qazaqstan prezıdenti zıatkerlik mektepterdiń ustazdary men oqýshylaryn mereıtoımen quttyqtap keldi. Forým barysynda oqýshylar alǵashqy zıatkerlik mektepke ýaqyt kapsýlasyn tabys etkisi keletinin aıtyp, memleket basshysynan Nazarbaev zıatkerlik mektepteriniń 2068 jylǵy túlekterine amanat hat jazyp qaldyrýdy ótindi.
"Qazaqta "elý jylda el jańa" degen sóz bar. Ol kezde sender áli jas bolasyńdar, jańa tehnologıalar ómirge keledi, adamdar 100, 120 jyl jasaıtyn bolady. Sondyqtan, Qudaı buıyrtsa, sender ol kezdi kóresińder. Sonda men jazǵan myna hatty ashyp, oqısyńdar", — dedi Nazarbaev.
