Golovkın basqa salmaqqa ótýi múmkin dep jazady Qamshy.kz aqparat agenttigi vesti.kz saıtynyń deregin negizge alyp. 

Bul týraly Tom Leffler Fino Boxing portalyna bergen suhbatynda aıtty.

Golovkınniń promoýteri qazaqstandyq boksshynyń WBO chempıony meksıkalyq Hılberto Ramırespen judyryqtasý úshin basqa salmaq dárejesine ótýi múmkin ekenin málimdedi.

Onyń sózine qaraǵanda, Golovkın meksıkalyq Hılberto Ramırespen (38-0, 25 KO) judyryqtasý úshin sýper orta salmaq (76,2 kelige deıin) dárejesine aýysýy múmkin.

"Eger ol durys jekpe-jek bolsa, Gennadıı sol salmaqqa kóteriledi. Hılberto Ramıres - chempıon, meniń oıymsha. Buǵan onyń Rokkı Fıldıngten myqtylyǵy dálel bola alady. Bul kezdesý GGG úshin jaqsy jekpe-jek bolar edi. Bob Arým ekeýmiz bul jekpe-jek týraly biraz ýaqyttan beri aıtyp kelemiz.

Usynylyp jatqan jekpe-jekter kóp. Rob Brent Mýratýdy jeńdi. Onymen de kezdesý qyzyq bolar edi. Usynystardyń kóp bolǵany tamasha, Gennadııdiń ataǵy zor. Qazir barlyǵy onymen jekpe-jek ótkizýge daıyn sekildi", - dedi ol.