Elbasynyń batasyn alǵan Abylaı Satylhan qazir Nazarbaev ýnıversıtetinde "saıasattaný jáne halyqaralyq qatynastar" mamandyǵy boıynsha bilim alyp jatyr dep jazady Qamshy.kz aqparat agenttigi sputniknews.kz saıtynyń deregin negizge alyp.
Qazaqstan prezıdenti Nursultan Nazarbaev 17 jyl buryn ózi tusaýyn kesken stýdentpen kezdesti.
Astanada Nazarbaev zıatkerlik mektepteriniń on jyldyǵyna oraı ótken forýmda Qazaqstan prezıdenti 17 jyl buryn tusaýyn kesken stýdent Abylaı Satylhanmen kezdesti.
Abylaı Almaty qalasynyń hımıa-bıologıa baǵytyndaǵy Nazarbaev zıatkerlik mektebin támamdaǵan. Qazir Nazarbaev ýnıversıtetinde birinshi kýrsta oqıdy. Úsh tildi jetik meńgergen, akademıalyq bilimmen birge jasandy ıntellekt, baǵdarlamalaý, robototehnıka, nano jáne bıotehnologıa, bıznes júrgizý sıaqty san túrli salada bilimin shyńdaǵan jas.
"Osydan on jeti jyl buryn Astanada siz meniń tusaýymdy kesken edińiz. Men búgin bizdiń áýlettiń tumary sekildi árdaıym tórde ilinip turatyn myna sýretti ózińizge ala keldim. Siz maǵan "azamat bol" dep bata beripsiz. Men osy motıvasıamen ómir súrip, ózińiz aıtqandaı myqty azamat bolýǵa, elim úshin qyzmet etýge ýáde beremin", — dedi Abylaı prezıdentke syılyǵyn tabystaı otyryp.
Memleket basshysy oqýshynyń syılyǵyn qýana-qýana qabyl aldy.
