Qazaqstan prezıdenti Nursultan Nazarbaev jastardy shetel tilin, ásirese qytaı tilin úırenýge shaqyrdy ep habarlaıdy qazaqstandyq buqaralyq aqparat quraldary. Nazarbaev bul týraly búgin Astanada «Nazarbaev zıatkerlik mektepteri» (NZM) derbes bilim berý uıymynyń 10 jyldyǵyna arnalǵan «Uly dala muragerleri» atty forýmda aıtqan dep jazady Qamshy.kz aqparat agenttigi  Azattyqtyń deregin negizge alyp. 

«Bıylǵy oqý jylynda NZM oqýshylary ekinshi shetel tilin óz tańdaýy boıynsha oqı bastady. Jahandaný dáýirinde shetel tilderin bilý ómir qajettilig bolyp otyr. Eń kóp taraǵan til – aǵylshyn, ekinshi orynda ıspan tili dep sanalady. Biraq biz úshin qytaı tili óte mańyzdy», - degen Nazarbaev.

Ol qazirgi kezde Qazaqstannyń jalpy syrtqy saýda kóleminiń 20 paıyzyn Qytaımen aradaǵy saýda quraıtynyn aıtqan. Al Reseımen kórsetkish - 22, Eýropa Odaǵymen - 30 paıyzdy quraıdy.

«Japonıada da, Qytaıda da bıznes aǵylshyn tilinde sóıleıdi, biraq ekonomıkalyq baılanys mıllıardty quraıtyn qytaı tili basym bolatynyn kórsetedi. Men úırenip kórgen joqpyn, biraq ózgelermen salystyrǵanda qazaqtarǵa jeńil dep aıtady», - degen Nazarbaev.