Mektepte músheqapty múshektep taratý, qyzdarymyzǵa qoldan túsik jasaýǵa ruqsat berý, tipti sony durys áreketke sanaý qazaqqa jasalǵan qastandyq! Mektepte múǵalimderdiń músheqap taratyp jatqanyn kórgen uldardyń nápsisi qozyp, sony tezirek qoldanýǵa asyqsa, qyzdarymyz qyzyǵyn qyzdaıynan urlatyp, qyzyqqa nekesiz-aq erte batýdy durys eken dep oılaıdy. Qashanda uıat nársege jol ashylyp, zańdastyrylatyn bolsa, onyń adam sanasynda kúná bolýdan qalýy da zańdylyq. 
Problemany odan da úlken problemamen sheshýge bolmaıdy. Nájisti odan da aýyr nájispen tazalaýǵa bola ma eken? Oqýshylar arasynda júkti bolý kóbeıip jatsa, onyń negizgi sebebi jastar rýhanıatynyń álsirep, azǵyndaýynda jatyr. Endeshe, onyń emi de rýhanıatty kúsheıtýde bolmaq. Páktikti, ar-men uıatty nasıhattaýda jatyr. Basqa joldyń bári tyǵyryq. Aıaǵy Qazaqıany qurtýǵa aparady. Teksizdikke tireıdi. Ajyrasý kóbeıip, otbasy quldyraıdy. Bolashaǵymyz qurdymǵa ketedi.
Mýftıat, ǵulamalar keńesi, teologtar, eljanashyry tanymal tulǵalar, óner adamdary, depýtattar ún qatyńyzdar!
Kóbirek bólisińizder!

Qaırat Joldybaıuly, Feısbýktegi paraqshasynan