5 qarashada túngi saǵat 00:50-de Shymkent qalasy Qazybek bı kóshesinde ornalasqan oblystyq klınıkalyq aýrýhanasynyń jan saqtaý bólimine aýyr hálde túsken 5 jastaǵy bala qaıtys boldy dep jazady Qamshy.kz aqparat agenttigi.
Bul qujatty tanymal zańger Aıgúl Orynbek óziniń feısbýk paraqshasyna jarıalady. Atalmysh qujattaǵy málimetke súıensek oqıǵa qarasha nemese jeltoqsan aıynda bolǵan. Al zańgerdiń ózi bul soraqylyqtyń osydan bir aı buryn bolǵanyn aıtqan.
Tekserý barysynda bala qaıtys bolǵan kúni keshki saǵat 21:20-da M.R.Amangeldi esimdi 5 jastaǵy balany ógeı ákesi Quptan namazynyń azanyn durys shaqyrmadyń dep aıyptap, soqqyǵa jyqqan. Jasóspirimdi keýde jáne ish tusynan uryp-soqqannan keıin bala esin joǵaltqan. Jedel járdem oblystyq klınıkalyq aýrýhanaǵa jetkizip, dárigerler «ish jaraqyty, ishten qan ketý» dıagnozyn qoıǵan. Kelesi kúni saǵa túngi 00:40-ta M.R.Amangeldi jan tapsyrady.
Atalmysh is boıynsha Atyraý qalasynda týǵan, 22 jas shamasyndaǵy Joldasov Erbolat Masotuly kúdikti dep tanyldy.
Sharıǵat ne deıdi?
Dástúrli Islam dininde bala 7 jasqa tolǵanda namaz týraly, din týraly aıtyp, nasıhat jumystaryn jasańdar degen maǵynada hadıs bar. Biraq dinde zorlyq joq ekenin basa nazarda ustaǵan jón. Jasóspirimge namazdy qalaı jáne qashan úıretý kerektigi týraly islam.kz saıtynda tolyǵyraq jazylǵan. Dinı alaýyzdyq týyndamas úshin Qamshy.kz aqparat agenttigi atamysh aqparatty oqyrman nazaryna usynady.
«Jetige tolǵanda balalaryńa namaz oqýdy buıyryńdar. Onǵa tolǵanda da oqymasa, aqyryndap uryp-soǵyp tárbıege salyńdar, sondaı-aq olardy osy jastan bastap bólek jatqyzyńdar»
(Abdýllah ıbn Amr ıbn ál-As(r.a.) jetkizgen. Ábý Dáýit, Salá 26)
Hadıste Paıǵambarymyz (sallallahý aláıhı ýá sállám) esi kire bastaǵan jas balaǵa eń aldymen namaz úıretýdi buıyrǵan. Nelikten namaz?! Óıtkeni namaz – dinniń dińgegi, tárbıeniń negizi. Adamnyń kókiregi men ómir jolyn shýaqqa bóleıtin nur. Sondaı-aq belgili ýaqyttarda óteletin namaz adamǵa ýaqyttyń qadirin bildirip, ýaqytpen júrýdi úıretetin, ári ony júıelilikke, turaqtylyqqa jáne baısaldylyqqa baýlıtyn teńdessiz qulshylyq. Mine, sondyqtan da, Alla elshisi (sallallahý aláıhı ýá sállám) jetige tolyp, oń-solyn eptep ajyrata bastaǵan balany bárinen buryn namazǵa úıretýdi buıyryp, al eger jasy onǵa tolyp býyny qata bastaǵanda da namazǵa úırenbese, tárbıelik maqsatta ǵana bir jerin zaqymdap almaıtyndaı aqyryndap urýǵa(ólimshi etip sabaý emes) bolatynyn aıtqan.
Uıada ne kórse, ushqanda sony iledi», demekshi bala úıdegi úlkenderge eliktep ósedi. Sondyqtan, aldymen úlkenderdiń ózi namazǵa erekshe den qoıý arqyly onyń qanshalyqty mańyzdy qulshylyq ekenin balaǵa is júzinde kórsete bilýi kerek. Namazdyń mańyzy zor qulshylyq ekenin kózimen kórip, zerdesine toqyp ósken bala esi kirgende, bir aýyz nasıhatpen-aq namazǵa jyǵylady, hám óse kele ony ómiriniń eń basty ustanymyna aınaldyrady. Al qansha jerden kórsetip, aıtyp, úıretseń de jalqaýlyqtan qulshylyq jasaǵysy kelmeıtin boıkúıez balany der kezinde qolǵa alyp, tárbıege salmasa, keıin qansha tárbıelegenmen esh nátıje shyqpaýy múmkin. Sol sebepti, Paıǵambarymyz (sallallahý aláıhı ýá sállám) ondaı balany qajet bolsa, qolmen túzetýge bolatynyn aıtqan. Óıtkeni, bala kúnnen istep úırengen istiń ýaqyt óte kele qalmaıtyn ádetke aınalary sózsiz.
