Temirtaý qalasynda júzýden QR Kýbogy ótti. Oǵan Qazaqstannyń 15 óńirinen 286 sportshy qatysty. Jarysta barlyǵy 12 kýbok oınaldy, onyń ishinde 8 kýbokty aqtóbelik sportshylar jeńip alyp, qarsylastaryna tek 4 kýbokty ǵana qaldyrdy. Bul jarystyń ereksheligi úsh qashyqtyq boıynsha jınaǵan upaı sany arqyly jeńimpazdar men júldegerler anyqtalady. Júzýden Aqtóbe oblysynyń aǵa jattyqtyrýshysy Azamat Sarbasovtyń aıtýynsha, oblys sportshylarynyń bul óner kórsetýleri sátti bolyp sanalady. Kelesi jyly bul sportshylar 2020 jyly Tokıoda ótetin jazǵy Olımpıada oıyndaryna qatysý úshin normatıvter oryndaıtyn bolady. Aqtóbe qorjynyna 8 Kýbok ákelgen júzýshiler tizimi:

Dıana Nazarova - 50, 100, 200 metr shalqalap júzýden (áıelder);

Gleb Kovalená - 50, 100, 200 metr shalqalap júzýden (erler);

Aıbek Kamzenov - 50, 100, 200 metr bras ádisimen (erler);

Dıana Tasjanova -50, 100, 200 metr baterfláı ádisimen (áıelder);

Qaırat Nurjanov - 50, 100, 200 metr baterfláı ádisimen (erler);

Alıbek Kamzenov - 100, 200, 400 metr keshendi júzý (erler);

Dıana Zlobına - 50, 100, 200 metr erkin stılmen (sprınter) jáne 200, 400, 800 metr (staıer).

Sondaı-aq, Gleb Kovalená osy jarysta QR sport sheberi normatıvin oryndady.