Almatyda «Arlandar saıysy» respýblıkalyq týrnıri aıaqtaldy. 18 ben 40 jas arasyndaǵy myqtylar saıysy «Almaty arena» sport kesheninde ótti.

Tartysty dodada elimizdiń 14 oblysynan kelgen 96 sportshy kúsh synasty. Boz kilemde beldesken balýandardyń júlde qory qomaqty. Jeńimpaz 1 mıllıon 700 myń teńgeni qanjyǵylady. 60 keli salmaq dárejesi boıynsha Almaty oblysynan qatysqan Erjan Erenǵaıypov chempıon atansa, 74 keli salmaqta qyzylordalyq Ǵalymjan Ábdirahmanov oljalady. Al 90 keliniń bas júldesi Saıat Shámshıevke buıyrdy.

«Arlandar saıysy» bıyl ekinshi ret ótip otyr. Byltyr 90 keli salmaq sanaty bolmaǵan edi. Qazir eresekter arasynda 90 keli salmaqta óner kórsetemin. Búgin «Arlandar saıysynda» baǵym men babym qatar shaýyp, jeńimpaz atandym», – deıdi jeńipmaz Saıat Shámshıev.