Almatyda kúndiz -túni jumys isteıtin Qoǵamdyq qabyldaý ashyldy. 

Memlekettik qyzmet isteri jáne sybaılas jemqorlyqqa qarsy is-qımyl agenttigi janynan ashylǵan alań óz keńseleri joq qoǵam ókilderiniń basyn qosyp, túrli kezdesýler ótkizýge múmkindik beredi. 24 saǵat boıy jumys isteıtin Ádep jónindegi keńeske elimizdiń kez kelgen turǵyny kelip, ózderin mazalaǵan suraqtardy qoıa alady. Sondaı-aq, qoǵam ókilderi memlekettik qyzmetkerlerdiń ádep normalarynyń saqtalýyn qadaǵalap, jemqorlyq árketterin boldyrmaý úshin jumys isteımiz deıdi.

«Bizdiń basty maqsatymyz – halyqtyń sanasynan jemqorlyq degen sózdi alyp tastaý. Iaǵnı, negizgi mindetimiz – tyrnaqtyń astynan kir izdeý, bireýdiń aıaǵynan shalý nemese abaqtyǵa jabý emes, halyqqa úgit-nasıhat jumystaryn júrgizip, jemqorlyq ataýlyny joıý», – dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti Arnaıy monıtorıń tobynyń múshesi Bekbol Batyrjanuly.