Múmkindigi shekteýli jandar únemi nazarda! 3 jeltoqsan – Halyqaralyq múgedekter kúnine arnalǵan «Qaıyrymdylyq is» atty aılyq is-shara jalǵasyn tabýda.

Búgin Almaty qalasyndaǵy buqaralyq aqparat quraldary ókilderi men tanymal tulǵalar qoǵamnyń álsiz tobynyń keıpine enip kórdi. Qabanbaı batyr kóshesiniń boıymen 800 metrdeı joldy múgedekter arbasymen júrip ótken olar osy ýaqyt aralyǵynda qarapaıym halyqtyń múmkindigi shekteýli jandarǵa degen kózqarasyn bildi. Sonymen qatar, kózderin jaýyp as iship, zaǵıp jandardyń ómirin sezindi.  

«Biz búgin azdaǵan ýaqyt múmkindigi shekteýli jandardyń qol arbasymen júrip kórdik. Bar bolǵany 20-30 mınýt ketse de, óte qıyn boldy. Ózińdi kereksiz adamdaı, úmiti joq jandaı sezinesiń. Qydyrýǵa yńǵaıly, otbasylyq demalysqa arnalǵan ortalyqtaǵy Panfılov kóshesiniń ózi múmkindigi shekteýli jandarǵa arnalmaǵan eken. Múgedekter úshin jaıaý júrginshi jolaǵynan ótý tipti qıyn. Sondaı-aq, jańa Almaly metrosyna baryp, túsýge tyrystyq. Shaqyratyn qońyraý joq. Al balmuzdaq jeıin desek, dúkenderge qol arbamen barýǵa múmkindik qarastyrylmaǵan. Kósheniń josparyn jasaǵan da osyndaı máselelerge mán berse deımin», – dedi qoǵam belsendisi Baýyrjan Serik.