Almatylyq polıseıler donor boldy. Búgin qalanyń 30-dan astam jol saqshysy tań atysymen naýqastar úshin qan tapsyrdy.

Respýblıkalyq qan ortalyǵyna aǵylǵan pogondylar áýeli dárigerlerdiń jiti baqylaýynan ótti. Densaýlyǵynda esh kináraty joq qyzmetkerlerdiń árqaısysynan 450 gramnan qan alyndy.

Jalpy, almatylyq polıseıler jıi donor bolyp turady eken. Olar ásirese jol kólik oqıǵasy saldarynan japa shekkender men naýqas sábılerge osyndaı ádispen kómek bergimiz keledi deıdi. Búgingi qaıyrymdylyq aksıasynda tártip saqshylarynan jalpy kólemi 15 lıtrge jýyq qan alyndy. Aıta ketsek, Respýblıkalyq qan ortalyǵyna jylyna 20 myńǵa jýyq donor qan ótkizetin kórinedi.

«Biz jol-kólik apattaryna jıi shyǵyp turamyz. Sol jerdegi júrgizýshilerdiń qıyn jaǵdaıda bolǵanyn, qannyń kóp ketýin óz kózimizben kórgennen keıin jeke qurammen birge sheshim qabyldandy. Osyndaı ár sharada adam bólip, óz erkimen qan tapsyratyn jeke quram bólip turamyz», – dedi Almaty qalasy PD Jol-patrýldik polısıasy arnaıy batalóny komandıriniń orynbasary Murat Talasbaev.