«Alataý» dástúrli óner teatrynda «Jyr-jolbarys» mýzykalyq spektakliniń tusaýkeseri ótti. Qoıylymda jıyrmasynshy ǵasyrdyń Gomeri atanǵan Jambyl Jabaevtyń ómir joly beınelenedi.

Mýzykalyq spektákl teatr sahnasynda alǵash ret qoıylyp otyr. Sahnalyq beıneleýdiń zamanaýı tásilderi arqyly usynylǵan qoıylymda qazaqy bı naqyshtary zamanaýı bı úlgisimen  ushtastyrylǵan. Jambyldyń kózin kórgen Jumabaı Shashtaıuly – spektákldiń keńesshisi, al pesa avtory – Ánnas Baǵdat.  

«Jyr-jolbarystyń» premerasy ótip jatyr. Halyqtyń dýyldata shapalaqtaǵan qolynan, zaldaǵy ıne shanshatyn bos orynnyń joqtyǵynan bizdiń osy ýaqytqa deıin «Alataý» teatryna kelgendegi negizgi mısıamyz oryndalǵandaı sezindik. Jıyrmasynshy ǵasyrdyń jyr alyby, árýaqty Jambyl týraly alǵashqy qoıylymymyz bizdiń baǵyt-baǵdarymyzǵa nyq qadam basyp otyr dep aıta alamyz», – dedi «Alataý» dástúrli óner teatrynyń dırektory Berik Júsipov.