Ýaqyt jáne keńistik fılosofıasy. Dál osyndaı ataýmen senograf, Qazaqstan Sýretshiler Odaǵynyń múshesi Murat Saparovtyń esep berý kórmesi ótti.
Murat Ismaıyluly teatr sahnasynda búginge deıin 30-dan asa qoıylymdy sýrettegen. Ol 2002 jyldan beri Muhtar Áýezov atyndaǵy Qazaq memlekettik akademıalyq drama teatrynyń qoıýshy-sýretshisi bolyp qyzmet etedi. Ózindik qoltańbalary arqyly erekshelenetin sýretshiniń qoıylymdary fılosofıalyq oı tereńdigimen erekshe.
«Murat Saparovtyń 50 jyldyǵyna oraı arnaıy kórme uıymdastyrylyp otyr. Murat Saparov oqýdy bitirgennen keıin birden osy teatryǵa keldi, sodan beri 22 spektákldiń bezendirýin jasady. Qazir ony ózindik stıli, ózindik fılosofıalyq oıy qalyptasqan sýretshi retinde tanýǵa bolady», – dedi M.Áýezov atyndaǵy Qazaq memlekettik akademıalyq drama teatrynyń qoıýshy-rejısseri Áýbákir Rahımov.
