Keler aptada Medeý men Shymbulaqty jalǵaıtyn kópir paıdalanýǵa beriledi. Negizi, 1982 jyly qalanǵan aspaly jol taý-shańǵy kýrortyna baratyn kólikterdi ótkizip kelgen. Biraq 2015 jyly ony apatty dep tanyp, kúrdeli jóndeýge japqan.

Jańa kópir paıdalanýǵa berilse, ýaqytsha salynǵany súriledi. Jaýaptylar ony týrısik nysannyń jumysy toqtamas úshin ýaqytsha qoıǵan. Aspaly jol arqyly Shymbulaq kýrortyn sýmen, jylýmen qamtamasyz etip otyrǵan ınjenerlik jeliler de qosa jasalypty.  

«Búgingi kúnde kúrdeli jóndeý jumystary tolyǵymen aıaqtaldy. Kópirdiń jalpy uzyndyǵy 60 metrdi quraıdy. Onyń eni 8 metr. Qos baǵytta kólik qozǵalysy tolyǵymen qamtamasyz etilgen. Sonymen qatar, júrginshiler jolymen qamtamasyz etilgen», – dedi Almaty qalasy Jolaýshylar kóligi jáne avtomobıl joldary basqarmasynyń bólim basshysy Ernur Ábjahan.

Keler apta mamandar atalmysh kópirdi synaqtan ótkizip kórmek. 60 tonna salmaqty kótere alsa, paıdalanýǵa beriledi. Aldymen kópir ústimen bir mezette birneshe júk kóligin ótkizedi eken.  

«Jumystar ótken jyly jeltoqsanda bastalǵan bolatyn. Qurylys aıaqtalǵansha «Shymbulaq» kýrortynyń jumysyn toqtatpas úshin ýaqytsha kópirdi saldyq. Ony da paıdalanýǵa bermes úshin synaqtan ótkizip, tekserip kórdik. Biraq jańa aspaly jol paıdalanýǵa berilgen soń, ony súremiz», – dedi merdiger kompanıa dırektorynyń orynbasary Meıram Hamıt,