Almaty ákimdigi qysqa daıyndyǵy nashar tasymaldaýshylarmen kesilimshartty buzýǵa kiristi.

Qalalyq Jolaýshylar kóligi jáne avtomobıl joldary basqarmasynan habarlaǵandaı, kóbinese turaqtylyq kestesin buzǵan, qysqa daıyndyǵy kóńil kónshitpeıtin tasymaldaýshylarǵa aıyppul salynyp, baǵdarlary basqa kompanıalarǵa berildi.

«Qala ákimdigi olarǵa jetkilikti dárejede qarjy berip otyr. Soǵan qaramastan keı kompanıalar marshrýttarǵa qyzmet kórsetý kelisimshartyn buzýda. Endigi kezekte tasymaldaýshylarǵa bólinetin demeýqarjynyń kólemi qaıta qaralýda. Olardyń keıbirimen kelisimshart buzylady. Máselen, «Green bus» kompanıasyna tıesili №37, №79 marshrýttar basqa tasymaldaýshylarǵa berildi», - delingen baspasóz qyzmetinde.

Osyǵan baılanysty basqarma basshysynyń orynbasaryna qatań sógis jarıalandy.

Aıta keterligi, jyl aıaǵyna deıin Almatyda qoǵamdyq kóliktiń úlesi 87 paıyzǵa jetetin bolady. Ótken aptada qalaǵa taǵy 200 jańa avtobýs kelgen bolatyn. Onyń ishinde, BRT jelisine 18 metrlik avtobýstar shyqty.