Otbasynyń áleýmettik, turmystyq jaǵdaıy jasóspirimniń sýısıdke barýyna túrtki bolmaıdy. Bastysy, balanyń oǵash qylyqtaryn der kezinde baıqaý kerek.

«Kóshbasshy áıelder qorynyń» mamandary júrgizgen zertteý nátıjesi boıynsha sýısıdtiń alǵashqy belgilerin aıqyndady. Olar Almatynyń 15 mektebiniń bazasynda balalarmen, ata-analarmen jumys jasaýdyń biregeı modelin engizip, tájirıbe retinde júrgizgen. Endi qoǵamdyq qor tájirıbeden ótkizgen baǵdarlamasyn elimizdegi barlyq bilim oshaqtaryna engizý úshin Bilim jáne ǵylym mınıstrligimen kelisip jatyr.  

«Eń basty másele, balanyń júris-turysyndaǵy ózgeristi baıqaý. Eger balańyz ashyq, belsendi bolyp júrip, kenetten tuıyq, eshkimmen aralaspasa, birden bir sebep osy bolýy múmkin. Keı jaǵdaılarda olar ózderiniń zattaryn tarata bastaıdy. Endi birde «ómir súrgim kelmeıdi, senderden ketemin, barlyǵy sharshatty» degen sekildi sózderge ata-analar mán bermeı, jaı qorqytqysy keledi dep oılaıdy. Shyn máninde, bul óz-ózine qol jumsaýdyń aıqyn belgileri», – dedi «Kóshbasshy áıelder qory» qoǵamdyq qorynyń jobalyq dırektory Svetlana Bogatyreva.