Almatynyń Áýezov aýdanynda zańsyz turǵan qos dúńgirshektiń kózi joıyldy. Nysandardy qojaıyndar óz erikterimen súrdi.

Jergilikti aýdan ákimdiginiń qyzmetkerleri kásip ıelerine aldyn ala túsindirme jumystaryn júrgizgen. Keıin olar ózderi súrip tastaýǵa nıet bildiripti. Jalpy, zańsyz ornatylǵan nysandardy joıý jumystary turaqty túrde júrgiziledi.

«Aýdan aýmaǵynda monıtorıń júrgizip, 50-ge jýyq zańsyz ornatylǵan nysandar anyqtaldy. Sol zańsyz ornatylǵan nysandardy buzý jumystary júrgizilip jatyr. Mysaly, «Aqsaı» yqshamaýdanynda 2 dúńgirshek ıesine eskertý jasalǵandyqtan, búgin 2 dúńgirshekti óz erikterimen ıeleri alyp ketti. Iá, kóbinese óz ıeleri kelisim beredi. Óz erkilerimen alyp ketedi», – deıdi Almaty qalasy Áýezov aýdandyq Kásipkerlikti jáne ónerkásipti damytý bóliminiń bas mamany Qýanysh Qurmanǵalıev.

Aıta keteıik, jyl basynan beri Áýezov aýdanynda zańsyz qoıylǵan 300-den astam nysandy kásip ıeleri ózderi súrgen. Buzylǵan saýda oryndarynyń basym bóligi «Kar sıtı» jáne «Saıran» avtobeketi mańynda ornalasqan.