Qaladaǵy №106 baǵyt «Álmerek» yqshamaýdanyna deıin uzartylady.

Joǵaryda atalǵan eldi meken turǵyndarynyń ótinishi boıynsha Almatynyń Jolaýshylar kóligi jáne avtomobıl joldary basqarmasy osyndaı sheshim qabyldaǵan.

«№106 baǵyt Túrksib aýdanynyń áleýmettik mańyzy bar obektilerin qamtıdy, budan bylaı yqshamaýdan turǵyndary úshin kólik qoljetimdi bolady. Qazirgi kezde jańa qurylys turǵyndaryna qatysty qosymsha aıaldama pýnktterin ashý qarastyrylýda», - dedi Jolaýshylar kóligi jáne avtomobıl joldary basqarmasynyń ókilderi.

Sondaı-aq,  №86 baǵyt «Ahmetov kóshesi» dep  atalatyn sońǵy aıaldamaǵa deıin uzartylǵan. Avtobýstar qozǵalysy ózgergen syzba boıynsha bıylǵy jyldyń 12 qarashasynan bastap júzege asady.

Eske salsaq, Almatyda kólik  reformasy aıasynda jańa №205 baǵyt ashylǵan edi. Bul baǵyt boıynsha 18 metrli tómen  edendi 30 jańa avtobýs júrýde.

Almatyda bıylǵy jyldyń sońyna deıin jańa kólik úlesin 87%-ǵa deıin jetkizý josparlanǵan.