Asyl sózdiń máıegi – sheshendik óner nasıhattaldy. Senbi kúni respýblıkanyń túkpir-túkpirinen kelgen mektep oqýshylary bı-sheshenderdiń danalyqtaryn jatqa oqydy.

Úsh kezeńnen turatyn baıqaýǵa 8 ben 11-synyp aralyǵyndaǵy 27 oqýshy qatysty. İs-sharany «Zeınolla Sánik atyndaǵy mádenıet qory» men Abaı atyndaǵy respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternaty birlesip uıymdastyrǵan.  

«Búgingi is-sharanyń negizgi maqsaty – jahandaný zamanyndaǵy jastardyń, babalardyń bizge qaldyrǵan ónegeli ósıetin, bı-sheshenderdiń sheshendik tolǵaýyn, ǵıbratty shyǵarmalaryn qanshalyqty deńgeıde tanyp bildi, ana tilin qanshalyqty deńgeıde anyqtady, sóz bıigine qaı deńgede sýsyndady, soǵan jaýap izdeý. Bul birinshi ret uıymdastyrylyp otyr. Qudaı qalasa, sátti ótse, baıqaý ary qaraı dástúrli túrde jalǵasyn tabatyn bolady», – deıdi «Zeınolla Sánik atyndaǵy mádenıet qorynyń» qyzmetkeri Jarqyn Sálenuly.