Almatyda qar tazalaý jumystary údetildi. Qalada magıstraldy kósheler aq ulpadan erteńge deıin tolyǵymen tazartylyp bitedi.

Qar tazalaý jumystaryna 860 arnaıy tehnıka men 2860 jumysshy tartylǵan. Jalpy, júrginshiler joldaryn, aıaldama jáne kólik turaqtaryn tazalaý basty sharýa. Osy ýaqytqa deıin 7500-den astam tekshe metr qar arnaıy qazandyqtarǵa tógildi.

«Almaty qalasynda 1,5 táýlik boıy jaýǵan qar 11 qarashadan 13 qarashaǵa deıin jalǵasty. Qardyń jaýǵany shamamen, tańǵy altyda toqtady. Jalpy, jaýǵan qardyń bıiktigi 10 santımetrdi qurady. Muz eritkish qospalar qazir de sebilýde. Qar jaýǵanda da sebildi. Qazirgi kezde 5400 tonna muz eritkish qospalary sebilýde», – dedi Almaty qalasy Tabıǵı resýrstar jáne tabıǵatty paıdalanýdy retteý basqarmasynyń baspasóz hatshysy Aıjan Kenjebekova.