Búginde mamyr týsa keýde tusymyzǵa áspettep taǵyp júretin "Georgıı lentasy" sonaý patshalyq Reseı kezeńinen beri qaraı jeńistiń sımvoly retinde baǵalanyp kelgeni belgili. Ásirese, qońyz jolaqty lenta post-keńestik memleketterde keńinen tanymal edi. Sol "georgıı lentasy" búginde - reseılik agresıa men seperatızmdi nusqaýshy quralǵa aınalyp ketkeni de jalǵan emes.
2005 jyldan bastap, reseılik buqaralyq aqparat quraldarynda osy "georgıı lentasyn" taǵýdy, ony nasıhattaýdy úrdiske aınaldyra bastaǵan. Ondaǵy maqsat - qazirgi Reseı memleketiniń(patshalyq Reseı, keńes odaǵy tusyndaǵydaı) asa ústem, qýatty ekendigin tanytý bolsa kerek. Áýelde post-keńestik sheńgelden shyqqan memleketterde "georgıı lentasyn" taǵyp júrý qalypty jaǵdaı bolyp kórinse, qazirgi ýaqytta muny naǵyz "aqymaqtyq" deıtinder jeterlik. Mysaly, "Ortalyq Azıany baǵyndyrǵany úshin" degen belgisi bar qońyz jolaqty lentany maqtanyshpen keýdesine taǵyp júrgen qazaqty, ózbekti nemese qyrǵyzdy kóz aldyńyzǵa elestetip kórińizshi.
Egemendiktiń 24-shi jyly týǵanda Qazaqstan men birqatar memleketterde seperatısterdi qoldaıtyn lentadan bas tarta bastady. Tipti, qońyz jolaqty lentanyń ózindik balamasyn da jasap, tarata bastady.
"Qamshy" portaly "Georgıı lentasynan" bas tartqan memleketter men olardyń balama nusqalaryn nazarlaryńyzǵa usynady.
Qazaqstan Respýblıkasy
Qazaqstanda "georgıı lentasymen" eshqandaı qıynshylyqtar bolmaǵanymen 2013 jyldan bastap qazaq qoǵamy atalmysh lentadan óz erikterimen bas tarta bastaǵan. Qazir Qazaqstanda jeńis sherýinde, merekelik sharalarda taǵylatyn baıraq tústi lentada ulttyq naqyshtaǵy oıý beınelengen.
Ázirbaıjan Respýblıkasy
Aıta ketetini, ázirbaıjan aǵaıyndardyń arasynda "georgıı lentasy" asa bir tanymaldylyqqa ıe bolmaǵan. Al maıdanda shahıd bolǵan baýyrlaryn eske alarda ázirbaıjan týy beınelengen lenta taǵylady.
Belorýsıa Respýblıkasy
Belorýsıa bıligi byltyrdan bastap "georgıı lentasynan" bas tarta bastaǵan. Qazirde, belorýsıalyqtar qyzyl jáne jasyl tústi, ortasynda alma aǵashy gúli kestelengen lenta keń tanymaldylyqqa ıe bolyp keledi.
Grýzıa
Grýzıa "georgıı lentasyn" múlde taqpaıdy. Tipti, reseılik týrıserdiń kólikterinde taǵýly turǵan lentany shekaradan óterde alyp tastaýdy talap etedi. Grýzıalyqtar áskerı sherýler men úlken jıyndarda Eýropadaǵydaı qyzyl mak taǵady.
Qyrǵyz Respýblıkasy
Qyzǵyztan 2014 jyldan bastap resmı túrde qońyz jolaqty lentanyń ornyna qyzyl reńkti, sary jolaqty lentaǵa aýysý týraly bastama kótere bastaǵan. Al 2015 jylǵy jeńistiń 70 jyldyǵyna oraı ótkiziletin áskerı sherýde bar qyrǵyz jańa sımvoldy taǵady dep josparlanyp otyr.
Moldova Respýblıkasy
Moldova parlamentiniń Lıberaldy partıasy "georgıı lentasynan" bas tartý týraly jańa zań jobasyn engizdi. Zań jobasynyń avtory, LP depýtaty George Bereganyń aıtýynsha, búginde "georgıı lentasy" ımperıalızm men seperatızmniń sımvolyna aınalǵan. Tipti, moldovalyqtar atalmysh lentany taǵyp júrgen azamattarǵa aıyppul salý týraly bastamany da kóterip otyr.
Ózbekstan Respýblıkasy
Ózbekstandaǵy Resı elshiligi jyl saıyn turǵyndarǵa "georgıı lentasyn" taratýǵa árekettengenimen, bul nátıje bermeýde. Ózbekstandyqtar jeńis merekesinde, shahıd jaýyngerlerge taǵzym gúlderine átettegideı jolaqty lentanyń ornyna jasyl tústi lenta qoldanady.
Ýkraına
Sońǵy saıası jáne terrıtrıalyq soǵys jaǵdaıyna oraı bul elde "georgıı lentasynan" tolyq bas tartqan. Ýkraınada da Eýropadaǵydaı qyzyl mak taǵylady.
Nurgeldi Ábdiǵanıuly
