Aqtóbede tanymal saıasattanýshylar men ǵalymdar Prezıdenttiń «Uly dalanyń jeti qyry» atty maqalasyn talqylady.
Aqtóbede 300-ge tarta ǵalym tarıhshylar, etnograftar, arheologtar, mádenıet qaıratkerleri, qoǵamdyq uıymdar men joǵary oqý oryndarynyń ókilderi, kitaphanashylar men murajaı qyzmetkerleri qatysqan dóńgelek ústelde memleket basshysy Nursultan Ábishuly Nazarbaevtyń «Uly dalanyń jeti qyry» atty maqalasynda qoıǵan tapsyrmalaryn júzege asyrý joldary talqylandy.
Aqtóbe oblysynyń ákimi Berdibek Saparbaev:
"Elbasynyń barlyq maqalalary – óskeleń, bolashaq urpaq úshin ǵıbratty sózderimen danaly. Sonyń ishinde, «Uly dalanyń jeti qyry» atty maqalasy bizdiń ótkenimizdiń ulylyǵyn tereńirek tanýǵa, Qazaqstannyń álemdik órkenıet júıesindegi mańyzdylyǵyn kórsetýge múmkindik beredi. Oblysta atalmysh maqalanyń negizgi qyrlaryn iske asyratyn usynystardy ázirleý úshin ǵalymdar men ardagerlerdiń, qoǵam qaıratkerleriniń birneshe iri kezdesýleri ótti. Arnaıy jumys toby quryldy. Aqtóbelikterdiń maqsaty – ony júzege asyrý úshin barynsha úles qosý, - dep atap ótti.
Jıyndy ashqan oblys ákimi Berdibek Saparbaev Prezıdenttiń «Uly dalanyń jeti qyry» baǵdarlamalyq maqalasy eń aldymen jastarǵa baǵyttalǵanyn atap ótti.
- Sizder Elbasynyń jas urpaqqa qalaı kóp kóńil bóletinin ózderińiz de kórip júrsizder. Bes áleýmettik bastama eń birinshi, jastardy qoldaýǵa, ıaǵnı bilim granttaryn arttyrýǵa jáne bıznesti shaǵyn nesıeleýge, stýdentter jataqhanasyn salýǵa baǵyttalǵan. «Uly dalanyń jeti qyry» da eń aldymen sizderge arnalǵan. Sizder ózderińizdiń maqtanýǵa turarlyq jáne uıalýǵa esh negizi joq naǵyz tarıhyńyzdy bilýlerińiz kerek,-dedi oblys ákimi stýdentterge.
Tarıhshy ǵalym Darhan Qydyráli óz sózinde tamyryn joǵaltqan adamnyń jerde nyq tura almaıtyndyǵyn atap ótti.
- Jastyq tez ótedi. Sondyqtan, negizgi bilimdi búgin alýlaryńyz kerek. Elbasy baǵdarlamalary sol úshin úlken múmkindikter beredi. Jerde odan da nyq turý úshin tamyrlaryńyzdy tanyp, joǵaltpańyzdar. Sizderdi baqytty azamattar dep senimdi aıta alam, óıtkeni Prezıdent jastarǵa jan jaqty damý úshin barlyq múmkindikterdi berip otyr. Bul Aqtóbe mysalynda aıqyn kórinedi - qala jyl saıyn damyp keledi. Jastardyń básekege qabilettilikterin arttyrý úshin ádemi mekemeler ashyldy. Sonyń ishinde osy Shyǵarmashylyq akademıasy da bar,-dedi ol.
Óńirge arnaıy kelgen «Egemen Qazaqstan» RG» AQ basqarma tóraǵasy, Halyqaralyq túrki akademıasynyń prezıdenti Darhan Qydyráli, «Qazaqparat» halyqaralyq aqparat agenttiginiń bas dırektory Asqar Ýmarov, «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı, qoǵam qaıratkeri Aıdos Sarym, «Qazaqstan blogerleriniń alánsy» QB tóraǵasy Ǵalym Baıtýk maqala erejeleriniń oryndalýy týraly óz kózqarastarymen bólisti.
Pikir-talas kezinde Aqtóbe oblysynda «Rýhanı jańǵyrý» baǵdarlamasynyń jalǵasy - «Uly dalanyń jeti qyry» atty
maqaladaǵy mindetterdi júzege asyrý týraly jan-jaqty pikir almasty. Kezdesý sońynda qonaqtar óńirde ulttyq tarıhı-mádenı murany saqtaý jáne dáripteý boıynsha atqarylǵan jumystarǵa joǵary baǵa berdi.
- Kıeli jerlerdi saqtap, damytý úshin kóp dúnıeler jasalǵanyn kórip turmyz, ádemi murajaı salynǵan. «Anaǵa taǵzym» rýhanı-ónegelik tárbıe berý ortalyǵyn erekshe atap ótkim keledi. Óte durys baǵyt tańdalǵan, óıtkeni ult bolashaǵy – analardyń qolynda, - dedi Halyqaralyq túrki akademıasynyń vıse-prezıdent Asqar Ýmarov.
Kúnniń ekinshi jartysynda qatysýshylar Aqtóbe oblysynyń jastarymen kezdesti.
Shyǵarmashylyq akademıasynda ótken kezdesýge óńirdegi joǵary jáne arnaıy orta oqý oryndarynyń 400-den asa belsendi stýdentteri qatysty. Óńirge arnaıy kelgen «Egemen Qazaqstan» RG» AQ basqarma tóraǵasy, Halyqaralyq túrki akademıasynyń prezıdenti Darhan Qydyráli, «Qazaqparat» halyqaralyq aqparat agenttiginiń bas dırektory Asqar Ýmarov, «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı, qoǵam qaıratkeri Aıdos Sarym, «Qazaqstan blogerleriniń alánsy» QB tóraǵasy Ǵalym Baıtýk maqala erejeleriniń oryndalýy týraly óz kózqarastarymen bólisti.
Óz kezeginde, Ǵalym Baıtýk «Uly dalanyń jeti qyry» - jastarǵa patrıottyq tárbıeni qalyptastyratyn adamgershilik negizi ekenin atap ótti.
Ǵalym Baıtýk: «Aqtóbe eń qyzyqty jáne qarqyndy damyp kele jatqan qalalardyń biri. Búgin men murajaı, sport ortalyqtary, «Anaǵa taǵzym» ortalyǵy sıaqty birneshe jańa áleýmettik nysandardy qarap shyǵyp, Prezıdent maqalasyndaǵy mindetterdi júzege asyrý úshin myqty qor qurylǵanyn aıta alamyn. Sizder ǵasyrlar boıy progrestiń qozǵaltqyshy bolǵan jastar retinde osy biregeı nysandardy patrıotızmge negizdelgen ıdeıalaryńyzben damytýǵa kómektesýlerińiz kerek. Patrıot bolyńyzdar – solaı ǵana sizder Otan úshin kóp nárse isteı alasyzdar, óıtkeni patrıotızm – bul árqashan umtylys, qoldaý jáne damý»,-degen senimde.
Kezdesý stýdentterdiń suraqtarymen aıaqtaldy. Jastardy Qazaqstandaǵy kıeli jerlerdiń ári qaraıǵy zerttelýi, BAQ-tyń elektrondy formatqa kóshýi, latyn álipbıin engizýdiń qazirgi jaǵdaıy jáne t.b. qyzyqtyrdy.
